Mark 4:39 - Labib An Kreol Seselwa

³⁹ Zezi ti leve e menas divan. I ti dir avek delo, “Silans! Reste trankil!” Alor, divan ti tonbe, e partou ti kalmi.

Mark 4:39 交叉參考

Psonm 107:29

I ti kalme tanpet e bann laroul ti reste trankil.

Psonm 89:9

Ou menm ki kontrol lanmer dan tanpet. Ou kalme li kan son bann laroul i grosi.

Psonm 65:7

Ou kalme tapaz lanmer; tapaz son bann laroul ek gronnyman bann nasyon.

Psonm 29:10

SENYER i lo son tronn par lao delo. SENYER i lerwa pour touzour.

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Proverb 8:29

I ti fikse lanmer son bann limit pour ki bann delo pa deborde; e i ti mark bann fondasyon later.

Psonm 148:8

dife ek lagrel, lannez ek brouyar, tanpet divan ki egzekit son komannman! Loue SENYER!

Liv Zob 38:11

Mon ti dir avek lanmer: Ou ava ariv ziska la, me pa pli lwen. Lorgey ou bann gro laroul pou aret isi.

Egzod 14:22

Pep Izrael ti travers lo en semen sek dan milye lanmer. Delo ti form en miray lo zot kote drwat e lo zot kote gos.

Mark 9:25

Kan Zezi ti war lafoul pe rasanble otour li, i ti reprimann sa move lespri. I ti dir li, “Move lespri kozpa e sourd! Mon ordonn ou: Sorti! Pa zanmen retourn dan sa garson.”

Egzod 14:16

Ou! Pran ou baton, lev ou lanmen lo lanmer e fann li pour ki pep Izrael ava kapab travers apye ziska lo sek.

Levanzil dapre Lik 4:39

Zezi ti bes lo belmer Simon. I ti ordonn lafyev pour kit li. Deswit, lafyev ti kit li; i ti leve e servi zot.

Nahoum 1:4

I komann lanmer e lanmer i vin sek; i fer sek tou bann larivyer. Laplenn Basann ek Karmel i deperi; fler Liban i fletri.

Lamantasyon 3:31

Annefe, SENYER pa pou rezet personn pour touzour.

Matye 8:26

Zezi ti dir zot, “Akoz zot per? Zot napa lafwa!” Apre, i ti leve, e i ti reprimann divan ek delo lak, e movetan ti kalmi.

Mark 4:38

Zezi ti deryer pe dormi avek en kousen anba son latet. Bann disip ti lev li. Zot ti dir li, “Met! Nou pe koule! Ou pa pran ka?”

Levanzil dapre Lik 4:35

Me Zezi ti reprimann sa lespri, “Reste trankil! Sorti dan sa zonm.” Sa move lespri ti zet sa zonm ater devan tou dimoun e sorti san fer li okenn dimal.

Levanzil dapre Lik 8:24

Zot ti al lev Zezi. Zot ti dir li, “Met! Met! Nou pe koule!” Zezi ti reveye e reprimann divan ek gro laroul. Tanpet ti arete e movetan ti kalmi.