Mark 4:19 - Labib An Kreol Seselwa

¹⁹ Me traka lavi, plezir larises avek tou lezot dezir, i penetre dan zot e touf Laparol. Alor, zot pa prodwir okenn fri.

Mark 4:19 交叉參考

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

Filipyen 4:6

Pa bezwen enkyet pour nanryen, me dan tou sirkonstans, dan lapriyer ek siplikasyon, avek en leker rekonesan, demann Bondye tou sa ki zot bezwen.

Matye 19:23

Alor, Zezi ti dir avek son bann disip, “Mon dir zot, sa i laverite: I pou difisil pour en dimoun ris antre dan Rwayonm lesyel.

Levanzil dapre Zan 15:2

Tou brans ki atase avek mwan e ki pa raport fri i ganny koupe. Tou brans ki raporte, i tay zot pour ki zot raport ankor plis fri.

Levanzil dapre Lik 21:34

“Fer byen atansyon: Pa les zot lespri angourdi avek festen, labwason ek traka lavi. Fer atansyon ki sa zour pa sirprann zot

Levanzil dapre Lik 10:41

Senyer ti reponn li, “Mart, Mart! Ou enkyet e ou trakas pour bokou keksoz.

Ezai 5:4

Tou sa ki mon ti kapab fer pour mon plantasyon rezen, pa mon'n fer? Mon ti pe espere rekolte bon rezen. Me akoz in donn mwan rezen eg?

Ezai 5:2

I ti travay later e tir tou ros; i ti plant en zoli plan rezen. I ti konstri en tour dan milye. I ti fouy en gran basen kot rezen pou ganny kraze. I ti pe espere ganny bon rezen, me i ti ganny rezen eg.

2 Pyer 1:8

Se sa bann kalite ki zot devre posede. Si zot posed sa bann kalite annabondans, zot ava aktif e prodiktif dan konnesans nou Senyer Zezi-Kri.

2 Timote 4:10

akoz Demas in abandonn mwan, e i'n al Tesalonik. I pli kontan sa lemonn prezan. Kresans in al Galasi e Tit i'n al Dalmasi.

Eklezyas 4:8

En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.

Let Zid 1:12

Aprezan, prezans sa bann zonm in vin en skandal dan zot repa fraternel, kot zot vin zis ranpli zot vant san okenn laont. Zot parey bann nyaz ki divan i anmennen, me ki pa donn lapli. Zot parey bann pye dibwa ki pa prodwi okenn fri, menm pandan lasezon, e ki derasinen, i'n konpletman mor.

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Proverb 23:5

Ler ou lev lizye pour get larises, in fini ale; en kou an gran, i'n ganny lezel, parey en leg, in anvole ver lesyel.

Proverb 23:4

Pa fatig ou pour vin ris; ganny ase lespri pour ou refize.

Matye 13:22

Bann lagrenn ki tonm parmi bann zarbis pikan, zot parey sa bann dimoun ki antann Laparol, me traka lemonn, plezir lavi ek larzan i touf Laparol e zot pa prodwir okenn fri.

Mark 4:18

En lot parti lagrenn ki'n ganny senmen parmi bann plant pikan, se bann ki'n antann Laparol.

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

Efezyen 6:12

Annefe, nou pa pe lit kont dimoun, me kont pouvwar bann move lespri dan lemonn, bann lotorite, ek pouvwar dan lemonn teneb dan sa letan ki nou pe viv ladan.