Mark 4:17 - Labib An Kreol Seselwa

¹⁷ Me akoz zot napa rasin, zot tenir zis pour en pti moman. Kan difikilte ek persekisyon akoz Laparol i arive, deswit zot tonbe.

Mark 4:17 交叉參考

Matye 11:6

Byennere sa enn ki pa refize krwar dan mwan!”

Revelasyon 2:10

Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.

Matye 12:31

Pour sa rezon, mon dir zot: Tou pese ek tou blasfenm, i kapab ganny pardonnen. Me sa enn ki blasfenm kont Lespri Sen, pa pou zanmen ganny pardonnen.

Revelasyon 2:13

Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.

1 Zan 2:19

Sa bann dimoun in sorti kot nou, me zot pa ti vreman avek nou. Annefe, si zot ti avek nou, zot ti ava'n reste avek nou. Me zot in ale e konmsa, zot in montre ki zot pa ti avek nou.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

2 Timote 4:16

Personn pa ti asiste mwan kan mon ti prezant mon premye defans; me tou dimoun ti abandonn mwan. Mon demande ki Senyer pa gard sa kont zot.

2 Timote 1:15

Parey ou konnen, tou bann ki reste dan provens Lazi in abandonn mwan, an kontan Fizel ek Hermozenn.

Levanzil dapre Zan 8:31

Alor, Zezi ti dir avek bann Zwif ki ti krwar dan li, “Si zot obei byen mon bann parol, zot ava vin vreman mon disip.

Levanzil dapre Lik 12:10

Tou dimoun ki koz kont Fis-de-Lonm ava ganny pardonnen. Me sa enn ki blasfenm kont Lespri Sen pa pou ganny pardonnen.

Matye 13:21

Me Laparol pa'n pran rasin dan zot; i pa reste dan zot leker pour lontan. Alor, osito ki troub oubyen persekisyon i arive akoz Laparol, deswit zot tonbe.

Liv Zob 19:28

Zot dir: Ki mannyer nou pou martiriz li plis ankor? Ki preteks nou pou servi pour montre ki i an tor?

2 Timote 4:10

akoz Demas in abandonn mwan, e i'n al Tesalonik. I pli kontan sa lemonn prezan. Kresans in al Galasi e Tit i'n al Dalmasi.

Galat 6:12

Sa bann dimoun ki oule fors ou ganny sirkonsi, zot oule fer zot ganny byen war pour bann rezon imen. Zot zis pa oule ganny persekite akoz lakrwa Kris.

Mark 4:16

Lagrenn ki'n ganny senmen dan later kot i annan ros, i sa bann ki antann Laparol. Zot resevwar li avek lazwa.

Mark 4:18

En lot parti lagrenn ki'n ganny senmen parmi bann plant pikan, se bann ki'n antann Laparol.