9 Me zot, fer atansyon. Zot pou ganny arete e ganny trennen devan bann tribinal. Zot pou ganny bate dan bann sinagog. Akoz mon non, zot pou debout devan bann dirizan pei ek bann lerwa. Zot ava mon bann temwen devan zot.
Mon konnen kot ou reste: Lanmenm la kot tronn Satan i ete. Ou'n reste fidel pour mon non, e ou pa'n renye ou lafwa dan mwan, menm dan lepok kan Antipas, mon temwen fidel, ti ganny touye kot ou, la kot Satan i reste.
Pa per pour sa ki ou pou soufer. Dyab pou byento zet serten parmi zot dan prizon, pour teste zot. Zot pou bezwen soufer pandan dis zour. Me reste fidel ziska lanmor, e mon ava donn ou kouronn lavi.
Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.
I ti vin kot nou. I ti pran sentir Pol e anmar son prop lipye ek son lanmen avek. I ti dir, “La sa ki Lespri Sen i dir: Konmsa ki propriyeter sa sentir pou ganny anmare par bann Zwif dan Zerizalenm, e zot pour livre li dan lanmen bann etranze.”
Rapel byen sa ki mon ti dir zot: En serviter pa pli enportan ki son met. Si zot in persekit mwan, zot osi, zot pou ganny persekite. Si zot in obei mon lansennyman, zot pou osi obei lansennyman ki zot pou donnen.
Si dan en landrwa, bann zabitan pa resevwar zot, ni ekout zot, kit sa landrwa. Sekwe lapousyer ki avek zot lipye: Sa i ava en temwannyaz kont sa bann dimoun.”
Me mwan mon dir zot: Sa enn ki pran lakoler kont son frer, pou ganny zize. Sa enn ki ensilte son frer, pou ganny zize devan tribinal. Sa enn ki tret son frer: Fou, pou ganny pini dan dife lanfer.
En nasyon pou lager kont en lot nasyon, en rwayonm kont en lot rwayonm. Pou annan tranblemandter en pe partou, e pou annan lafanmin. Sa bann levennman pou zis en peryod parey bann premye douler lakousman.
