Levitik 6:4 - Labib An Kreol Seselwa

⁴ Sa dimoun ki'n fer sa pese i koupab. I devre rann sa lobze ki i'n vole, oubyen ki i'n gannyen par frod, oubyen ki ti'n ganny konfye avek li, oubyen en lobze perdi ki i'n trouve;

Levitik 6:4 交叉參考

Sofoni 1:9

Sa zour, mon pou fer rann kont tou sa bann ki travers laport tanp, e ki ranpli tanp zot SENYER avek vyolans ek frod.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Ezekyel 18:18

Tandis ki son papa, akoz in eksplwat lezot, vole e tronp son frer, pratik sa ki move parmi son pep, se li alor, ki pou mor pour son prop fot.

Ezekyel 18:12

i eksplwat bann pov ek bann malere; i vol dimoun; i pa rann sa ki en dimoun in met angaz pour son det; i ador bann zidol e fer toudsort pratik degoutan;

Ezekyel 18:7

I pa abiz lo lezot, me i rann sa ki en dimoun in met angaz pour en det. I pa tronp lezot. I donn manze sa enn ki lafen e lenz sa enn ki touni.

Ezai 59:6

Lakaz bib pa ase pour fer lenz; i pa ni ase pour zot kouver zot avek sa ki zot fer. Rezilta zot travay i koz zis maler; zot lanmen i ranpli avek aksyon vyolan.

Liv Zob 24:2

Bann malfeter i deplas bann taso balizaz. Zot fer manze troupo ki zot in vole.

Liv Zob 20:19

akoz i'n fer abandonn bann pov; i'n sezi lakaz ki lezot in konstri.

Zenez 21:25

Abrahanm ti fer en konplent konsernan en pwi delo ki bann zonm Abimelek ti'n pran pardfors.

Levitik 24:18

Sa enn ki touy en zannimo ava ranplas li: En lavi kont en lavi.

Levitik 24:21

Sa enn ki touy en zannimo ava ranplas li. Me sa enn ki touy en et imen ava li osi ganny touye.

Nonm 5:7

I devre konfes sa pese e repar domaz an azoutan en senkyenm son valer e donn sa dimoun ki i'n fer ditor.

Ezekyel 33:15

si sa malfeter i rann en lobze ki i ti'n pran angaz, si i rann sa ki i ti'n vole, e i obei lalwa ki donn lavi, e evit fer lemal, i pa pou mor; i pou viv.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Levitik 4:12

sa toro antye ava ganny anmennen an deor kan dan en landrwa pir, la kot zot zet lasann lagres, e kot zot ava bril li lo en dife dibwa; zot ava bril li la lo ta lasann lagres.

Nehemi 5:11

Annou rann zot ozordi menm, zot plantasyon, zot plantasyon rezen, zot plantasyon zoliv, ek zot lakaz, ensi ki lentere lo larzan, dible, diven, delwil ki zot in prete.”

Ezekyel 44:19

Ler zot sorti pour zwenn lepep dan lakour eksteryer, zot devre tir sa lenz ki zot in ofisye ladan e depoz li dan bann lasal sanktyer. Zot ava met lezot lenz pour zot pa ganny kontak sakre avek lepep.