Levitik 3:1 - Labib An Kreol Seselwa

¹ Si en dimoun i ofer en sakrifis lape, i ava ofer en zannimo ki sorti dan son troupo bef. I ava ofer SENYER en mal oubyen en femel ki san defo.

Levitik 3:1 交叉參考

Nonm 6:14

I ava ofer SENYER son don: En zenn mouton mal enn an, san defo koman en sakrifis konplet; en zenn femel mouton aze enn an san defo pour en sakrifis pese e en mouton mal adilt san defo, koman en sakrifis lape.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

1 Zan 1:3

Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Kolosyen 1:20

Par li, Bondye in oule rekonsilye liniver antye avek li. Par lanmor son Garson lo lakrwa, in etabli lape pour tou dimoun, lo later koman dan lesyel.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

Malasi 1:8

Kan zot ofer sakrifis zannimo aveg, eski sa i byen? Kan zot ofer zannimo andikape oubyen malad, eski zot krwar napa nanryen mal ladan? Esey donn sa ou gouverner. Eski sa pou fer li plezir e i ava rekonpans zot? SENYER liniver ki deklare.

Ezekyel 45:15

Parmi zannimo pep Izrael: En mouton par sak troupo 200. Sa i bann lofrann vezetal, sakrifis konplet ek sakrifis lape pour pardon zot pese, Senyer BONDYE i deklare.

Proverb 7:14

Mon ti annan sakrifis lape pour ofer. Ozordi, mon'n akonpli mon ve.

1 Kronik 21:26

I ti konstri en lotel pour SENYER la. I ti ofer li en sakrifis konplet ek sakrifis lape. I ti priy SENYER e i ti reponn li par en dife ki ti sorti dan lesyel, ki ti desann lo lotel sakrifis.

Ziz 21:4

Lannmen, lepep ti lev granmaten; zot ti konstri en lotel e ofer sakrifis konplet ek sakrifis lape.

Ziz 20:26

Lepep ek tou bann Izraelit ti mont Betel kot zot ti reste e plere devan SENYER. Zot ti zennen tou lazournen e ofer sakrifis konplet ek sakrifis lape devan SENYER.

Nonm 7:17

e pour sakrifis lape, ti annan de toro, senk mouton mal adilt, senk bouk ek senk zenn mouton enn an. Tousala ti lofrann ki Nasonn, garson Aminadab ti anmennen.

Levitik 17:5

Konmsa, pep Izrael ava oblize aret touy zot zannimo dan lakanpanny, me zot ava anmenn kot pret devan lantre Latant Rankont pour ofer SENYER koman en sakrifis lape.

Egzod 29:28

Tousala ava pour Aaron ek son bann garson, dapre en regleman pour touzour. Sa, ava par pep Izrael ki sorti lo son bann sakrifis lape. Sa i zot kontribisyon pour SENYER.

Egzod 24:5

I ti anvoy bann zenn Izraelit ofer sakrifis konplet ek sakrifis lape. Zot ti ofer bann toro pour SENYER.

Egzod 20:24

Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.

Levitik 3:6

Si en dimoun i ofer koman sakrifis lape en zannimo sorti dan son troupo mouton oubyen kabri, i ava pran en mal oubyen en femel ki san okenn defo.

Levitik 9:18

Aaron ti egorz sa zenn toro ek sa zenn mouton mal, koman en sakrifis lape pour lepep. Son bann garson ti prezant li disan ki i ti asperz otour lotel.

Nonm 7:59

e pour sakrifis lape, ti de toro, senk mal mouton, senk bouk ek senk zenn mouton enn an. Tousala ti lofrann Gamalyel, garson Pedasour.

Nonm 15:8

Pour en toro koman en sakrifis konplet, oubyen en lot sakrifis pour akonpli en ve oubyen en sakrifis remersiman anver SENYER,

Deterononm 12:27

Ou ava prezant ou bann sakrifis konplet, bann lavyann ek disan, lo lotel SENYER, ou Bondye. Disan ou lezot sakrifis ava ganny verse akote lotel SENYER, ou Bondye, me ou ava kapab manz lavyann.

Ezekyel 43:27

Apre sa set zour, bann pret ava ofer lo lotel, sakrifis konplet ek bann sakrifis lakominyon pour lepep. Alor, mon ava aksepte zot. Senyer BONDYE ki'n deklare.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 9:4

en toro ek en mouton mal, pour prezant devan SENYER koman en sakrifis lape, ansanm avek en lofrann vezetal petri avek delwil. Ozordi SENYER pou aparet avek zot.”