Levitik 24:3 - Labib An Kreol Seselwa

³ Aaron ava enstal sa lalanp devan rido Latant Rankont, deryer rido lalyans, pour ki i reste alimen devan SENYER depi aswar ziska bomaten. Sa i ava en regleman pour touzour pour bann zenerasyon.

Levitik 24:3 交叉參考

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Levitik 24:2

Donn lord pep Izrael pour donn ou delwil doliv meyer kalite pour ki lalanp sanktyer i reste kontinyelman alimen.

Levitik 24:4

Aaron ava plas bann lalanp lo en portlanp annor pir, pour ki zot brile kontinyelman devan SENYER.

Nonm 18:5

Zis zot ki devre ofisye dan sanktyer e lo lotel. Konmsa mon lakoler pa ava tonm ankor lo pep Izrael.

1 Samyel 3:3

Lalanp ki alimen dan sanktyer pa ti ankor tennyen. Samyel ti pe dormi dan tanp SENYER kot Kof Bondye ti ete.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.