Levitik 24:2 - Labib An Kreol Seselwa

² Donn lord pep Izrael pour donn ou delwil doliv meyer kalite pour ki lalanp sanktyer i reste kontinyelman alimen.

Levitik 24:2 交叉參考

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Levanzil dapre Zan 8:12

Zezi ti dir zot ankor, “Mwan menm lalimyer lemonn. Sa enn ki swiv mwan pa pou mars dan fernwanr, me i pou ganny lalimyer lavi.”

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Levanzil dapre Zan 5:35

Zan ti parey en lalanp ki ganny alimen pour li eklere. Zot ti kontan pour viv dan son lalimyer pandan en serten letan.

Levanzil dapre Zan 1:9

Laparol ti sa vre lalimyer. I'n vin dan lemonn pour ekler tou dimoun.

Levanzil dapre Zan 1:4

Laparol ti sours lavi; lavi ti lalimyer pour tou zabitan lemonn.

Levanzil dapre Lik 12:35

“Met zot pare, zot sang otour zot leren e gard zot lalanp alimen.

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

Matye 5:16

Konmsa ki zot lalimyer i devre klere devan tou dimoun, pour ki zot war byen zot bann bon aksyon e loue zot Papa ki dan lesyel.

Matye 4:16

Lepep ki ti pe asiz dan fernwanr, in war en gran lalimyer. Pour bann ki ti pe asiz dan pei, dan fernwanr lanmor, en lalimyer in leve parmi zot!

Ezai 11:2

Lespri SENYER pou repoz lo li, lespri lasazes ek lentelizans, lespri konsey ek lafors, lespri konnesans ek respe pour SENYER.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Proverb 6:23

Annefe, bann komannman i en lalanp, e lansennyman en lalimyer; bann lavertisman ek bann koreksyon, i en semen lavi.

Psonm 119:130

Revelasyon ou parol i donn lalimyer; i donn disernman sa enn ki senp.

Psonm 119:105

Ou parol i en lalanp pour ekler mon lipye e en lalimyer lo mon semen.

2 Kronik 13:11

Tou le bomaten e tou le swar, zot bril bann sakrifis konplet ek lansan aromatik pour SENYER; zot depoz dipen lo latab annor pir e sak swar zot alim portlanp annor avek son bann lalanp. Nou, nou fer sa ki SENYER in ordonn nou, me zot, zot in abandonn li.

Egzod 40:24

Moiz ti met portlanp dan Latant Rankont, anfas avek latab, lo kote Sid sanktyer;

Egzod 39:37

portlanp annor pir, son bann lalanp, bann ranze lalanp, tou bann istansil avek delwil pour bann lalanp;

Levitik 24:1

SENYER ti koz avek Moiz:

Levitik 24:3

Aaron ava enstal sa lalanp devan rido Latant Rankont, deryer rido lalyans, pour ki i reste alimen devan SENYER depi aswar ziska bomaten. Sa i ava en regleman pour touzour pour bann zenerasyon.