Levitik 16:2 - Labib An Kreol Seselwa

² SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Levitik 16:2 交叉參考

Egzod 30:10

En fwa par an, Aaron ava fer rityel pirifikasyon lo bann kwen lotel. I ava ofer disan sakrifis pour pardon pese zenerasyon apre zenerasyon. Sa lotel ava ganny konsidere koman tre sakre pour SENYER.

Ebre 9:25

I pa'n antre pour ofer li plizyer fwa, parey Gran-Pret ti antre dan Lasal Tre Sen toulezan avek disan ki pa son prop disan.

Matye 27:51

Alor, rido dan Tanp ti desir an de, depi anler ziska anba. Later ti tranble, bann gro ros ti fann.

2 Kronik 5:14

Akoz sa nyaz, bann pret pa ti kapab kontiny zot seremoni. Laglwar SENYER ti ranpli tanp Bondye.

1 Rwa 8:6

Bann pret ti anmenn Kof lalyans SENYER e met li dan son plas dan sanktyer, dan Lasal Tre Sen, anba lezel seriben.

Ebre 9:3

Deryer dezyenm rido ti annan en latant ki ti apel Lasal Tre Sen.

Nonm 17:10

SENYER ti dir Moiz: Pran baton Aaron e remet li devan Kof Lalyans. I ava en lavertisman pour bann rebel, pour ki zot aret fer konplent kont mwan, sankwa zot pou mor.

Nonm 4:19

La sa ki ou ava fer pour zot pa mor ler zot apros landrwa sakre: Aaron ek son bann garson ava plas zot devan sa ki zot pou transporte.

Levitik 23:27

Dizyenm zour, setyenm mwan, i zour rityel pardon pese. I ava annan en rasanbleman sakre. Zot ava zennen e ofer SENYER bann lofrann brile par dife.

Levitik 16:13

I ava met lansan lo labrez devan SENYER; nyaz lafimen ki monte ava anvlop kouvertir Kof Lalyans ki annan dokiman lalyans. Konmsa i pa pou mor.

Levitik 8:35

Ou ava reste dan lantre Latant Rankont lizour koman aswar, pandan set zour. Apre, ou ava kapab akonpli servis ki SENYER in ordonnen, san riske lanmor. Sa i dapre lord ki mon'n gannyen.

Ebre 6:19

Sa lesperans i pour nou koman en lank pour nou lavi. I sir e solid. I travers rido Tanp ki dan lesyel ziska dan sanktyer.

Ebre 9:5

Lo kouvertir Kof Lalyans, ti annan de Seriben dan zot laglwar. Avek lonbraz zot lezel, zot ti kouver Kof. Me la pa ler pour antre dan detay.

Revelasyon 15:8

Tanp ti ranpli avek lafimen ki siny laglwar ek pwisans Bondye. Personn pa ti kapab antre dan Tanp, ziska ki sa set fleo ki ti avek sa set lanz ti'n ganny akonpli.

Nonm 4:5

Kan kanpman pou deplase, Aaron ek son bann garson ava dekros rido separasyon dan sanktyer e kouver Kof Lalyans.

1 Rwa 6:16

I ti osi lanbri miray lasal deryer avek dibwa sed depi anba, ziska lao, lo en oter 10 met. Answit, anndan, i ti aranz en lasal sakre, Lasal Tre Sen.

Levitik 16:34

Sa i ava en regleman pour touzour pour zot, konsernan rityel pardon pese pour tou pep Izrael ki ava ganny fer en fwa par an. Moiz ti fer tou sa ki SENYER ti'n ordonn li.

Nonm 18:7

Mon'n swazir ou ek ou bann garson pour fer servis dan sanktyer, lo lotel e deryer rido. Mon donn zot responsabilite pret. Sa enn ki apros sanktyer pou ganny met anmor.