Levitik 10:1 - Labib An Kreol Seselwa

¹ Nadab ek Abihou, de garson Aaron, tou le de ti pran zot lansanswar, met dife ladan e met lansan lo la. Zot ti prezant devan SENYER en dife ordiner ki SENYER pa ti'n ordonnen.

Levitik 10:1 交叉參考

Nonm 26:61

Nadab ek Abihou ti mor akoz zot ti prezant en dife ordiner devan SENYER.

Levitik 16:12

I ava pran en lansanswar ranpli avek labrez sarbon sorti lo lotel ki devan SENYER, avek de ponnyen lansan anpoud pour brile e i ava anmenn lo lot kote rido.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Nonm 16:46

Apre, Moiz ti dir Aaron: Pran lansanswar avek dife ki lo lotel. Met lansan lo la, al vitman kot lepep e fer rityel pirifikasyon pour zot pese. Lakoler SENYER in eklate e fleo in konmanse.

Egzod 24:1

SENYER ti dir Moiz, “Mont kot SENYER lo montanny avek Aaron, Nadab, Abihou ek 70 ansyen parmi pep Izrael. Zot ava prosternen depi en bon distans.

Egzod 6:23

Aaron ti marye avek Eliseba, fiy Aminadab e ser Nasonn. I ti donn li kat garson: Nadab, Abihou, Eleazar ek Itamar.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Levitik 22:9

Bann pret ava akonpli tou sa ki mon'n ordonnen, san rann zot koupab pour en pese profanasyon ki anmenn lanmor. Mwan menm SENYER ki rann zot sen.

Egzod 28:1

SENYER ti ordonn Moiz: Konvok parmi Izrael ou frer Aaron ek son bann garson, Nadab, Abihou, Eleazar ek Itamar. Met zot apar pour servi mwan koman pret.

Egzod 24:9

Apre, Moiz ti mont lo montanny avek Aaron, Nadab, Abihou ek sa 70 ansyen parmi pep Izrael.

Levitik 16:1

SENYER ti koz avek Moiz apre ki de garson Aaron, ti'n prezant zot devan SENYER e zot ti mor.

Levitik 9:24

En dife ti sorti devan SENYER e devor sakrifis konplet ek lagres lo lotel. Pep Izrael antye ti war sa; zot ti kriye avek lazwa e tonm lafas ater.

Egzod 27:3

Ou ava fer bann resipyan pour ranmas lasann lagres brile, son bann lapel, son bann bol, son bann fourset ek son bann lansanswar. Ou ava fer tou sa bann akseswar lotel an bronz.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

Zeremi 44:15

Tou bann zonm ki ti konnen ki zot bann fanm ti'n ofer sakrifis anver lezot bondye, tou bann fanm ki ti la, e tou lezot ki ti'n vin reste Patros dan pei Lezip, ti reponn Zeremi:

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Zeremi 32:35

Zot in konstri bann landrwa kot zot ador bondye Baal dan vale Benn-Hinonm. Zot fer bril dan dife zot garson ek zot fiy an loner bondye Molek. Zanmen mon ti demann zot fer sa; e zanmen mon ti mazinen ki zot ti ava fer en keksoz parey pour fer Zida komet pese.

Zeremi 19:5

An loner Baal, zot in konstri en lotel kot zot bril zot zanfan an sakrifis. Sa i en keksoz ki mon pa'n zanmen ordonn zot pou fer, e ki'n zanmen vin dan mon lespri pour demann zot fer.

Zeremi 7:31

Dan vale Benn-Hinonm, zot in enstal zot landrwa sakre ki zot apel Tofet, pour zot bril zot garson ek zot fiy an sakrifis. Zanmen mon'n demann zot fer sa, e zanmen mon'n mazin en keksoz parey.

Deterononm 17:3

e al servi e ador lezot bondye, tel ki soley, lalin, bann zetwal, oubyen okenn lobze dan lesyel, e ki mon'n defann zot fer,

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

Egzod 40:27

I ti bril lansan parfimen, parey SENYER ti'n ordonn li.

Egzod 38:3

I ti fer tou bann istansil pour lotel: Bann basen, lapel, kalis, bol, fourset ek pti kastrol; tou sa bann istansil ti an bronz.

Egzod 37:29

I ti fer delwil pour lonksyon sakre avek lansan aromatik pir. Sa ti louvraz en parfimer.

Egzod 31:11

delwil lonksyon ek lansan aromatik pour sanktyer. Zot ava fer egzakteman tou sa ki mon'n ordonn ou.

1 Rwa 18:38

Alor, dife SENYER ti desann, e bril sakrifis konplet, dibwa, ros, ek later e fer sek delo ki ti dan transe.

Egzod 8:27

Nou bezwen mars pandan trwa zour dan dezer e ofer sakrifis pour SENYER nou Bondye parey in ordonn nou.”

Nonm 4:18

Ou pa devre les klan bann Keatit ganny detri parmi bann Levit.