Lamantasyon 4:6 - Labib An Kreol Seselwa

⁶ Pese mon pep i pli grav ki pese Sodonm ki ti ganny kraze en sel kou; personn pa ti annan letan pour sov li.

Lamantasyon 4:6 交叉參考

Zenez 19:25

SENYER ti detri sa bann lavil, sa rezyon antye, tou bann zabitan, sa de lavil ek tou vezetasyon.

Levanzil dapre Lik 10:12

Mon dir zot ki zour zizman, Bondye pou mwen sever anver Sodonm, ki anver sa lavil.”

Levanzil dapre Lik 12:47

Sa serviter ki ti konn lavolonte son met, me ki pa ti met li pare, ni fer sa ki son met ti oule, ava ganny en bon bate.

Matye 24:21

Annefe, sa pou en letan gran soufrans, pli terib ki'n deza arive depi konmansman lemonn ziska konmela, i ki pa pou zanmen ariv ankor.

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Lamantasyon 4:9

Sa bann ki ti ganny masakre ti pli sanse ki bann viktim lafen; zot deperi dousman akoz napa nanryen pour manze.

Zenez 19:24

Alor, SENYER ti anvoy lo Sodonm ek Gomor en lapli dife ek souf ki ti sorti kot SENYER, dan lesyel.

Zeremi 20:16

I ava vin parey bann lavil ki SENYER ti detri san pitye. I ava antann plennyen bomaten e tronpet sonnen midi.

Ezai 24:2

Sa pou arive avek tou: Pret koman laik; met koman lesklav; bourzwa koman serviter; vander koman aster; sa ki prete koman preter; sa enn ki andete koman sa enn ki donn kredi.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Danyel 8:25

Par riz, i pou reisi tronp bokou. Leker ranpli avek larogans, i pou touy bokou dimoun ki ti krwar zot an sekirite. I pou dres li kont lerwa tou bann lerwa. Me i pou ganny detri, san okenn lentervansyon imen.