Lamantasyon 4:10 - Labib An Kreol Seselwa

¹⁰ Bann manman ki ti annan konpasyon ti kwi zot prop zanfan pour zot manze, akoz dezas ki ti'n vin lo mon pep.

Lamantasyon 4:10 交叉參考

Lamantasyon 2:20

SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.

Zeremi 19:9

Lennmi pou kanp otour lavil e zot pou esey atak son bann zabitan. Mon pou fer zot manz laser zot zanfan e zot pou manz kanmarad.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Lamantasyon 4:3

Menm bann sakal i donn tete e nouri zot piti. Me bann manman dan Zerizalenm in vin kriyel parey lotris dan dezer.

Lamantasyon 3:48

Akoz mon pep in ganny detri, mon lizye i deborde avek larm ki koule parey delo larivyer.

Levitik 26:29

Zot ava manz laser zot bann garson e zot ava manz laser zot bann fiy.

2 Rwa 25:3

Nevyenm zour dan katriyenm mwan, sa menm lannen, lafanmin ti'n vin sitan for dan lavil, ki ti nepli annan manze.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Ezai 22:2

Ou en lavil ki ranpli avek tapaz; ou en lavil ki azite dan lafet; ou bann zabitan pa'n ganny masakre, ni mor dan lager.