Lamantasyon 1:7 - Labib An Kreol Seselwa

⁷ Dan son bann zour maler, Zerizalenm i mazin tou sa bann trezor ki i ti annan dan letan pase. Kan son pep ti tonm dan lanmen lennmi, ti napa personn pour ed li. Lennmi ti get li tonbe e zot ti riy avek kontantman.

Lamantasyon 1:7 交叉參考

Psonm 79:4

Nou ganny ensilte par bann nasyon vwazen; zot gognard nou, zot riy nou.

Psonm 42:4

Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.

Levanzil dapre Lik 16:25

Abrahanm ti reponn li: Mon garson! Rapel ou byen ki pandan ou lavi, ou ti ganny toudsort bon keksoz, tandis ki Lazar ti ganny bokou maler. Aprezan, i pe ganny son konsolasyon, e ou, ou pe soufer.

Levanzil dapre Lik 15:17

En zour i ti dir dan li menm: Konbyen travayer kot mon papa ki annan plis ki dekwa manze, e mwan, mon pe mor lafen isi!

Mise 4:11

Aprezan, bokou nasyon in rasanble kont ou. Zot ki dir: Zerizalenm pou ganny detri, nou ava war spektak larin Siyon.

Oze 2:7

I pou tay deryer son bann galan, me i pa pou zwenn zot. I pou rod zot, me i pa pou trouv zot. Alor, i ava dir: Mon pou retourn kot mon premye mari. Otrefwa, mon ti pli ere ki ozordi.

Lamantasyon 4:17

Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Zeremi 37:7

La sa ki SENYER, Bondye Izrael i deklare: Ou ava dir avek lerwa Zida ki'n anvoy ou pour konsilte mwan: Bann gerye Faraon ki ti'n vin pour port ou sekour, in vire e zot pe retourn kot li, Lezip.

Psonm 77:3

Mon mazin Bondye, mon plennyen devan li. Plis mon reflesir, mon perdi kouraz.

Liv Zob 29:2

Mon ti ava kontan reviv bann letan pase, sa bann zour ler Bondye ti pe vey lo mwan;

Ezai 64:11

Nou manifik tanp sakre, kot nou bann zanset ti loue ou, in ganny detri par dife e tou nou bann landrwa lapriyer in osi ganny detri.

Zeremi 48:27

Moab! Ou ti abitye mepriz pep Izrael. Ou ti sanble pran li pour en voler. Annefe, sak fwa ki ou ti koz lo li, ou ti sekwe ou latet avek degou.

Ezai 64:10

Ou bann lavil sen in vin en dezer; Siyon in vin en dezer; Zerizalenm in ganny devaste.

Ezekyel 25:3

Dir zot ekout parol Senyer BONDYE: La sa ki Senyer BONDYE i deklare: Ou ti byen riye kan mon sanktyer ti ganny profannen, kan pei Izrael ti ganny devaste e pep Zida ti ganny deporte.

Ezekyel 25:6

La sa ki Senyer BONDYE i deklare: Akoz ou'n bat lanmen, ou'n danse, ou'n pile, ou'n selebre depi dan fon ou leker lo maler Izrael,