Lamantasyon 1:11 - Labib An Kreol Seselwa

¹¹ Tou bann zabitan pe plennyen; zot pe rod keksoz pour manze. Zot fer lesanz zot bizou pour ganny manze, pour zot repran en pe lafors. Zot sipliye: Get mwan SENYER! Get mon lanmizer.

Lamantasyon 1:11 交叉參考

Zeremi 52:6

Nevyenm zour dan katriyenm mwan, sa menm lannen, lafanmin ti'n vin sitan for dan lavil, ki ti nepli annan manze.

Zeremi 38:9

Mazeste! I pa byen mannyer sa bann zonm in azir anver profet Zeremi; zot in zet li dan en sitern. I pou mor lafen dan sa trou, akoz nepli annan dipen dan lavil.

Lamantasyon 2:12

Zot demann avek zot manman: Oli dipen ek diven? Zot tonm feb lo semen dan lavil, parey zonm ki'n ganny blese. Zot mor dan lebra zot manman.

Lamantasyon 2:20

SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Zeremi 19:9

Lennmi pou kanp otour lavil e zot pou esey atak son bann zabitan. Mon pou fer zot manz laser zot zanfan e zot pou manz kanmarad.

Liv Zob 40:4

Mon en nanryen ditou. Ki mon kapab reponn ou? Mon poz mon lanmen lo mon labous.

2 Rwa 6:25

Lafanmin ti telman terib ler Samari ti ganny anserkle, ki en latet bourik ti vann 80 pyes larzan, en liv lafyant pizon ti kout senk pyes larzan.

Zeremi 15:19

SENYER ti reponn: Si ou repanti, mon pou repran ou koman mon serviter parey avan. Si, olye dir bann parol ki pa fer sans, ou proklanm en mesaz serye, mon pou repran ou koman mon profet. Les sa pep tourn ver ou; pa ou ki bezwen tourn ver li.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Psonm 79:4

Nou ganny ensilte par bann nasyon vwazen; zot gognard nou, zot riy nou.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Lamantasyon 5:1

SENYER! Pa oubliy sa ki'n arive avek nou; Zet ou regar lo nou, e get nou dezoner!