Lamantasyon 1:1 - Labib An Kreol Seselwa

¹ Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Lamantasyon 1:1 交叉參考

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

2 Rwa 23:33

Faraon Neko ti ansenn li Ribla dan pei Hamat, pour li pa renny dan Zerizalenm; i ti enpoz en taks trwa tonn larzan ek 30 kilo lor.

2 Rwa 23:35

Yoyakim ti donn Faraon larzan ek lor. Me i ti enpoz taks lo pep sa pei, sakenn dapre son larises, pour li kapab pey Faraon Neko larzan ek lor.

2 Kronik 9:26

Salomon ti domin lo bann lerwa depi larivyer Efrat atraver pei Filisten, ziska frontyer Lezip.

Esdras 4:20

I'n annan bann gran lerwa dan Zerizalenm, ki ti renny lo provens antye, lo lot kote larivyer e ki zot ti resevwar taks, drwa ladwann ek drwa pasaz.

Nehemi 5:4

Lezot ankor ti dir: Nou'n donn an garanti nou plantasyon ek nou bann plantasyon rezen pour pey taks lerwa.

Nehemi 9:37

Tou son kantite prodwi, i pour bann lerwa ki ou'n plas lo nou latet, akoz nou bann pese. Zot domin lo nou ek nou bann troupo e nou dan en gran soufrans!

Psonm 122:4

La kot bann tribi i monte, bann tribi SENYER. Zot vin selebre non SENYER dapre lareg ki'n ganny etabli pour Izrael.

Ezai 14:12

Ki'n arive! Ou'n tonbe sorti dan lesyel! Ou, sa zetwal klate, garson loror, ou'n ganny zet ater, ou ki ti abes bann nasyon!

Ezai 22:2

Ou en lavil ki ranpli avek tapaz; ou en lavil ki azite dan lafet; ou bann zabitan pa'n ganny masakre, ni mor dan lager.

Ezai 3:26

Zot bann laport pou plennyen e lamante; i pou asiz ater, parey en fanm depouye.

Ezai 49:21

Alor, dan ou leker ou pou dir: Lekel ki'n donn mwan tou sa bann zanfan? Mon pa ti annan okenn zanfan e mon ti steril. Mon ti annegzil e mon ti ganny delese. Alor, lekel ki'n donn mwan tou sa bann zanfan? Mon ti'n ganny abandonnen. Alor, kote sa bann zanfan i sorti?

Ezai 50:5

Senyer BONDYE in ouver mon zorey e mon pa'n revolte. Mon pa ti rekile.

Ezai 52:2

Zerizalenm! Leve, sorti dan lapousyer. Repran ou plas! Fiy Siyon! Detas sa lasenn kaptivite dan ou likou!

Ezai 52:7

Gete koman i zoli lo montanny, lipye sa mesaze ki anons lape, ki anmenn bon nouvel, ki proklanm delivrans, ki dir avek Siyon: Ou Bondye i lerwa!

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Zeremi 31:7

La sa ki SENYER i deklare: Sant bann kantik lazwa pour Izrael! Kriy avek pasyon pour sa pli gran nasyon. Fer tande zot louanz e kriye: SENYER! Sov ou pep, sa restan pep Izrael.

Zeremi 40:9

Gedalya, garson Ahikanm, garson Safann, ti dir avek bann zofisye ek zot bann zonm: Pa bezwen per pour servi anba bann Babilonyen. Enstal zot dan sa pei, met zot dan servis lerwa Babilonn e tou ava mars byen pour zot.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Zeremi 44:2

La sa ki SENYER liniver, Bondye Izrael i deklare: Zot menm, zot temwen tou sa bann maler ki mon'n anvoy lo Zerizalenm e lo lezot lavil dan Zida ki ozordi ankor, zot anrin e napa okenn zabitan.

Zeremi 44:6

Alor, parey en dife, lavyolans mon lakoler e mon lendinyasyon in bril bann lavil Zida e bann lari dan Zerizalenm. Tou i an rin, tou i zis en dezer ziska ozordi.

Zeremi 50:23

Gete! Babilonn ti parey en marto ki ti kraz tou nasyon; Aprezan, in ganny kraze an morso! Koman i fer ki Babilonn en vin keksoz ki fer per tou bann nasyon!

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 2:1

Dan son lakoler, SENYER in met Zerizalenm anba en nyaz. Depi lesyel, in zet ater, sa ki ti fer splander Izrael. Zour son lakoler, SENYER pa ti ni menm mazin landrwa kot i poz son lipye.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Lamantasyon 4:1

Gete! Lor nepli klate! Lor pir in melanze! Bann ros sorti dan miray tanp i fannen dan tou kwen semen.

Lamantasyon 5:16

Nou kouronn in tonbe lo nou latet. Maler i lo nou akoz nou'n fer pese.

Ezekyel 26:16

Tou bann lerwa dan rezyon lakot pou kit zot tronn. Zot pou kit zot rob ek zot lenz brode. Zot pou tranble avek gro lafreyer; zot pou asiz ater dan lafreyer e zemir lo ou sor.

Ezekyel 26:2

Ou ki en imen, ekoute sa ki zabitan Tir in dir kont Zerizalenm: Laport kot tou pep i pase in kase; i'n ouver pour mwan; i mon tour pour mwan vin ris, la ki i'n ganny detri.

Ezekyel 5:5

La sa ki Senyer BONDYE i deklare: Kanta Zerizalenm, mon'n plas li dan milye bann nasyon; en kantite pei i antour li.

Levitik 26:31

Mon pou fer zot bann lavil vin en ta debri, devaste zot bann sanktyer; mon pa pou aksepte loder zot bann lofrann.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Sofoni 2:15

Sanmenm sa ki pou arive avek Niniv, sa lavil fyer ki ti an sekirite. Son bann zabitan ti dir: Mwan ki la! Napa koman mwan! Aprezan, in ganny detri; i'n vin en landrwa maske pour zannimo! Tou sa ki pas par la i gognarde e fer bann zes endesan.

Revelasyon 18:7

Otan laglwar ek larises ki i ti fer letalaz avek, donn li osi otan tourman ek dey. Annefe, i dir dan son leker: Mon pe asize koman en larenn. Mon pa en vev, mon pa pou zanmen konn dey.