Habakouk 2:3 - Labib An Kreol Seselwa

³ Annefe, sa i ankor en vizyon pour en letan ki'n ganny fikse. I pou realize byento; sa i laverite. Si i tarde, espere, akoz i pou sirman realize, san tarde.

Habakouk 2:3 交叉參考

Psonm 27:14

Met ou lespwar dan SENYER; reste for, repran kouraz. Met ou lespwar dan SENYER.

Ezekyel 12:25

Annefe, mwan SENYER ki pou anons sa ki pou arive. Sa ki mon dir, pou realize san tarde. Me dan ou zenerasyon pep rebel, parol ki mon pou prononse, mon pou realiz li, Senyer BONDYE ki deklare.

Psonm 102:13

Ou pou leve, e ou pou pran pitye pour Zerizalenm, akoz in ler pour ou konsol li. Son ler in vreman arive.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Akt de Zapot 1:7

Zezi ti dir zot, “I pa neseser pour zot konn letan ek moman ki mon Papa in fikse par son prop desizyon.

Danyel 8:19

Apre, i ti dir mwan: Ekoute, mon ava fer ou konnen sa ki pou arive kan lakoler Bondye pou fini, letan ki i'n fikse pour lafen.

Galat 4:2

An realite, i bezwen soumet li anba en titer ek bann administrater, ziska letan fikse par son papa.

Levanzil dapre Lik 2:25

Ti annan en zonm dan Zerizalenm ki ti apel Simeon. I ti en zonm zis ki ti annan respe pour Senyer. I ti pe esper konsolasyon pep Izrael e Lespri Sen ti avek li.

Danyel 11:35

Parmi bann ki annan disernman, i annan ki pou tonbe, pour ki zot ganny netwaye, pirifye e lave ziska letan lafen, akoz sa pou ariv dan en letan ki'n ganny fikse.

Akt de Zapot 17:26

Apartir en sel zonm, i'n kree tou bann nasyon dan lemonn e etabli zot lo later antye. Li menm ki davans in fikse letan egzakt e limit bann rezyon kot zot devre reste.

Danyel 8:17

Alor, Gabriyel ti vin pre kot mon ti ete. Kan i ti arive, mon ti ganny en lafreyer, e mon ti tonm lafas ater. I ti dir mwan, “Ekoute, imen! Konpran ki sa vizyon i konsern letan lafen.”

Egzod 12:41

Apre sa 430 an, zour pour zour, pep SENYER antye ti kit Lezip.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

Danyel 11:27

Sa de lerwa pou asiz devan menm latab. Me akoz zot leker ti ranpli avek mesanste, zot pou anbet kanmarad par bann mansonz. Me zot pa pou reisi akoz en letan in ganny fikse pour lafen.

2 Rwa 6:33

I ti ankor pe koz avek zot, ler sa mesaze ti ariv kot li. I ti dir li, “Sa maler i sorti kot SENYER! Ki mon kapab ankor espere sorti kot SENYER?”

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

2 Pyer 3:9

Nou Senyer pa pe tarde pour realiz son promes parey serten i mazinen, me i pran pasyans anver zot. Annefe, i pa oule ki personn i ganny detri, me ki tou dimoun i repantir.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Ezai 7:4

Ou ava dir li: Fer atansyon! Reste kalm! Pa bezwen per. Pa les lakoler sa de zans dekouraz ou. Zot zis de tizon kot lafimen i ankor pe sorti.

Ezekyel 30:9

Sa zour, mon pou anvoy mesaze sorti kot mwan par bato. Zot pou fer tranble Letyopi ki krwar i an sekirite. En zour maler kan bann zabitan pou tranble avek lafreyer i pros.