Ester 8:1 - Labib An Kreol Seselwa

¹ Sa menm zour, lerwa Zerzes ti donn larenn Ester lakaz Haman, sa lennmi bann Zwif. Mardose ti prezant li devan lerwa, akoz Ester ti'n dir lerwa ki i ete pour li.

Ester 8:1 交叉參考

Ester 2:7

Mardose ti'n elve son kouzin Hadasa, ki apel osi Ester. Annefe, Ester ti napa ni papa ni manman. Sa zenn fiy ti zoli en kantite. Kan son papa ek son manman ti mor, Mardose ti adopte li koman son prop fiy.

Proverb 13:22

En bon dimoun i les en leritaz pour son bann pti zanfan; me sa enn ki zis pou erit lafortin en peser.

Ester 2:15

Ler tour Ester, fiy Abihail, tonton Mardose, e ki Mardose ti'n adopte koman son prop fiy, ti arive pour li al kot lerwa, i pa ti demann nanryen, eksepte sa ki Hegai, enik lerwa, ki ti ansarz bann fanm, ti'n konsey li. Tou dimoun ki ti war Ester ti admir li.

Psonm 39:6

I ale vini, parey en lonbraz; i fatig li en kantite; me sa i zis divan. I akimil larises san konnen lekel ki pou profite.

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Ester 7:6

Ester ti reponn, “Sa ladverser, sa lennmi, se Haman, sa move zonm!” Haman ti konmans tranble devan lerwa ek larenn.

Proverb 28:8

Si en dimoun i vin ris, par pret larzan avek gro lentere, son larises pou al pour sa enn ki bon anver bann pov.

Ester 1:14

Parmi bann konseye pros avek lerwa, ti annan Karsena, Setar, Admata, Tarsis, Meres, Marsena ek Memoukann. Sa set konseye Lapers ek Medi ki ti pros avek lerwa e okip bann premye plas dan rwayonm.

Ester 8:7

Lerwa Zerzes ti dir larenn Ester ek Zwif Mardose, “Mon'n donn Ester lakaz Haman e zot in pann li lo lesafo akoz i ti oule fer ditor bann Zwif.