Esdras 9:8 - Labib An Kreol Seselwa

⁸ Me la, SENYER nou Bondye, pour en pti pe letan, ou'n montre nou ou faver. Ou'n permet ki i reste detrwa sirvivan parmi nou pep e akord nou en landrwa, dan ou pei sakre. Nou Bondye in ouver nou lizye e redonn nou en pe lespwar dan nou lesklavaz.

Esdras 9:8 交叉參考

Psonm 13:3

SENYER, Mon Bondye! Regard mwan. Reponn mwan. Vin ekler mwan. Pa les mwan al dormi dan lanmor,

Oze 6:2

I pou redonn nou lavi apre de zour; dan trwazyenm zour i pou releve nou, pour nou viv ankor dan son prezans.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Psonm 85:6

Eski ou pa pou fer nou reviv e fer ou pep retrouv son lazwa?

Revelasyon 3:12

Sa enn ki ganny laviktwar, mon pou fer li vin en pilye dan tanp mon Bondye e i pa pou zanmen sorti. Mon pou ekri lo li, non mon Bondye, ek non lavil mon Bondye: Nouvo Zerizalenm ki desann sorti dan lesyel kot mon Bondye. Mon pou osi ekri mon nouvo non lo li.

Romen 9:27

Ezai ti predir o size pep Izrael: Menm si pep Izrael i vin nonbre koman gren disab lo bor lanmer, zis en pti restan ki pou ganny sove.

Zakari 10:4

Ros prensipal pou sorti dan Zida; solid koman pike latant, for koman lark lager.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Zakari 8:6

La sa ki SENYER liniver i deklare: Si i paret enposib pour restan lepep, dan sa lepok, eski i devret enposib osi pour mwan? SENYER liniver ki deklare.

Ezekyel 14:22

serten sirvivan pou reste; zot pou sov zot garson ek zot fiy. Zot pou vin kot ou; ou ava war zot konportman e ou ava ganny konsolasyon dan bann gran maler ki'n tonm lo Zerizalenm. Mwan ki'n fer tousala tonm lo li.

Zeremi 44:14

Konmsa, bokou parmi sa bann ki ti ankor vivan dan pei Zida e ki'n al reste Lezip pa pou kapab sove, ni sov zot lavi, sof en pti group refizye.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Ezai 56:5

Mon pou donn zot, dan mon tanp, dan son bann miray, en moniman e en non ki meyer ki bann garson ek fiy. Mon pou donn zot en non ki reste pour touzour, ki pa pou zanmen ganny efase.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Eklezyas 12:11

Parol bann zonm saz i parey en baton byen pwent e sa bann ki'n ekri li i parey en klou byen anfonse. Tousala, Bondye, sel berze ki'n enspir zot.

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 34:5

Sa enn ki lev son lizye ver li, lazwa i reyonnen lo son figir. Laont pa pou paret lo son figir.

Liv Zob 33:30

I delivre li dan latonm, e fer li war lalimyer lavi.

Nehemi 9:31

Me, dan ou gran konpasyon, ou pa ti detri zot, ou pa ti abandonn zot, akoz ou en Bondye avek konpasyon ki konn pardonnen.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Esdras 9:9

Annefe, nou bann lesklav; me nou Bondye pa'n abandonn nou dan lesklavaz. I'n montre son lanmour devan bann lerwa Lapers pour fer nou reviv, pour ki nou relev tanp Bondye e fer li sorti dan son leta anrin e donn nou son miray proteksyon Zerizalenm e dan Zide.

2 Rwa 19:4

Petet SENYER ou Bondye in antann tou bann parol Ed de kan, ki son met lerwa Asiri in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep, ki ankor vivan.

1 Samyel 14:29

Zonatan ti dir, “Mon papa in anmenn maler dan pei. Gete ki mannyer mon lizye i kler akoz mon'n gout en pti gin sa dimyel.

1 Samyel 14:27

Me Zonatan pa ti'n tande ki son papa ti fer latroup pret serman. I ti tranp bout son baton dan en gof dimyel e met dan son labous; e son lizye ti eklersi

Proverb 29:13

La sa ki ris ek pov i annan ansanm: SENYER ki'n fer tou le de.

Ezai 14:3

Zour ki SENYER ava'n donn ou repo apre bann letan douler ek tourman e apre bann letan lesklavaz ki ou ti pas ladan,

Psonm 13:4

akoz mon lennmi ava dir: Mon'n pli for ki li. Mon bann ladverser ava alor dan lazwa, akoz mon'n tonbe.

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Sofoni 3:12

Mon pou kit parmi zot, en pep senp e pov. Zot pou rod proteksyon dan non SENYER.