Esdras 1:6 - Labib An Kreol Seselwa

⁶ Tou bann vwazen ti fourni zot bann lobze annarzan, annor, materyo ek zannimo ek toudsort lobze valer, san kont bann lofrann volonter pour tanp.

Esdras 1:6 交叉參考

2 Korentyen 9:7

Fodre ki sakenn i donn dapre sa ki i'n deside, pa avek regre oubyen par lobligasyon. Annefe, Bondye i kontan sa enn ki donn avek lazwa.

Psonm 110:3

Ou pep i volonter zour ou al lager. Bann zennzan pou vin ver ou lo montanny sen.

Esdras 8:33

Katriyenm zour, nou ti fer pez larzan, lor ek bann lobze ti dan tanp nou Bondye, par pret Meremot, garson Ouri, ansanm avek Eleazar, garson Fineas. Ti osi annan bann levit Yozabad, garson Zozye, ek Noadya, garson Binoui.

Esdras 1:4

Tou bann ki reste, dan nenport landrwa parmi bann pep, mon demande ki bann zabitan i fourni zot avek larzan ek lor, materyo, zannimo ek bann lofrann volonter pour tanp Bondye ki Zerizalenm.

Nehemi 6:9

Zot tou, zot ti oule fer nou per; zot ti dir antre zot: Zot ava dekouraze e travay pa pou kontinyen. Alor! Bondye! Donn mwan kouraz.

Ezai 35:3

Redonn lafors bann lanmen ki fatige; rann solid bann zenou ki pe tranble.

Egzod 12:35

Pep Izrael ti'n fer parey Moiz ti'n dir zot: Zot ti'n demann bann Ezipsyen bann lobze annarzan, annor ek lenz.

Egzod 12:36

SENYER ti fer ki bann Ezipsyen ti donn zot tou sa ki zot ti demande. Dan sa fason ki zot ti depouy larises bann Ezipsyen.

1 Kronik 29:9

Lepep ti rezoui akoz sa bann lofrann ti'n ganny ofer volonterman; zot ti'n ganny ofer anver SENYER avek bon leker. Lerwa David osi ti dan en gran lazwa.

Psonm 106:46

I ti fer tou sa bann ki ti pe gard zot koman prizonnyen pran pitye pour zot.