Egzod 8:19 - Labib An Kreol Seselwa

¹⁹ Bann mazisyen ti dir Faraon, “Lanmen Bondye i ladan.” Me leker Faraon ti andirsi e parey SENYER ti dir, i pa ti ekout zot.

Egzod 8:19 交叉參考

Levanzil dapre Lik 11:20

Me si se par ledwa Bondye ki mon sas bann demon, alor, Rwayonm Bondye in ariv parmi zot.

Psonm 8:3

Ler mon admir grander lesyel ki ou'n fer, lalin ek bann zetwal ki ou'n met an plas,

Matye 12:28

Me si mon pe sas bann demon par Lespri Bondye, alor Rwayonm Bondye in ariv parmi zot.

Egzod 7:5

Konmsa, ler mon ava poz mon lanmen lo Lezip e fer bann Izraelit sorti parmi zot, bann Ezipsyen ava konnen ki mwan menm SENYER.”

Akt de Zapot 4:16

Zot ti dir, “Ki nou pou fer avek sa bann zonm? Tou dimoun dan Zerizalenm i konnen ki sa mirak ekstraordiner in ganny fer par zot, e sa, nou pa kapab nye.

Levanzil dapre Zan 11:47

Alor, bann gran-pret ek bann Farizyen ti reini Konsey bann Ansyen. Zot ti dir: Ki fodre nou fer? Get sa kantite siny ki sa zonm pe fer.

Danyel 2:19

Sa menm swar, sa rev mister ti ganny revele avek Danyel dan en vizyon. Danyel ti remersye Bondye ki dan lesyel.

1 Samyel 6:9

Zot ava veye si i pran semen dan direksyon Bet-Semes; alor, nou ava konnen ki vreman Bondye Izrael ki'n anvoy tou sa bann maler lo nou; si i al dan lot direksyon, nou ava konnen ki sa bann maler in ariv par azar, pa li ki'n anvoy zot lo nou.”

1 Samyel 6:3

Zot ti dir, “Si zot fer retournen Kof Bondye Izrael, pa retourn li san rekonpans, omwen ofer en don. Konmsa, zot ava ganny gerizon e zot ava konnen akoz i'n kontinyen pini zot.”

Egzod 10:7

Dimoun dan lantouraz Faraon ti dir: Ziska kan sa zonm pou kontinyen anmenn maler lo nou? Les sa pep ale pour zot al servi SENYER, zot Bondye. Eski ou pa ankor konpran ki Lezip in ganny detri?

Egzod 7:4

Faraon pa pou ekout ou. Mon pou met mon lanmen lo Lezip e par bann gran zizman, mon pep, bann Izraelit, pou kit Lezip.

Egzod 7:13

Me leker Faraon ti reste andirsi. Parey SENYER ti'n dir, i pa ti ekout zot.

Zenez 41:24

Bann zepi meg ti anval sa set zepi ki ti gro e plen. Mon'n rakont mon bann mazisyen, me personn pa'n kapab donn mwan leksplikasyon.”

Egzod 9:4

Me SENYER pou fer en distenksyon ant troupo bann Izraelit ek troupo bann Ezipsyen. Napa en sel zannimo bann Izraelit ki pou mor.

Egzod 9:26

Zis dan teritwar Gosenn kot pep Izrael ti reste, ki lagrel pa ti tonbe.

Egzod 10:23

Dimoun pa ti war kanmarad pandan trwa zour; personn pa ti war kanmarad e zot pa ti bouze kot zot ti ete.

Egzod 11:7

Me kot bann Izraelit, pa pou annan ni en lisyen ki pour gronnyen avek en dimoun, ni kont en zannimo. Konmsa, zot ava rekonnet ki SENYER i fer en distenksyon ant bann Ezipsyen ek bann Izraelit.