Egzod 40:34 - Labib An Kreol Seselwa

³⁴ Alor, en nyaz ti vin kouver Latant Rankont e laglwar SENYER ti ranpli sanktyer.

Egzod 40:34 交叉參考

Revelasyon 15:8

Tanp ti ranpli avek lafimen ki siny laglwar ek pwisans Bondye. Personn pa ti kapab antre dan Tanp, ziska ki sa set fleo ki ti avek sa set lanz ti'n ganny akonpli.

2 Kronik 7:2

Bann pret pa ti kapab antre dan tanp akoz laglwar SENYER ti ranpli tanp.

Egzod 29:43

La, mon pou rankontre pep Izrael. Sa landrwa ava ganny konsakre par mon laglwar.

Egzod 14:24

Byen granmaten, atraver kolonn dife ek nyaz, SENYER ti regard troup bann Ezipsyen e senm panik parmi zot.

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Egzod 33:9

Ler Moiz ti'n antre dan Latant Rankont, kolonn nyaz ti desann e aret devan lantre e SENYER ti koz avek Moiz.

Revelasyon 21:3

Mon ti antann en lavwa for sorti kot tronn kriye: La aprezan, Bondye in fer son demer parmi zonm. I pou reste avek zot. Zot pou vin son pep, e i pou vin zot Bondye.

Agze 2:9

Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.

Agze 2:7

Mon pou boulvers tou bann nasyon; mon pou fer zot anmenn isi zot gran kantite larises; mon pou ranpli sa tanp avek laglwar, SENYER liniver ki deklare.

Ezai 6:4

Zot lavwa ti fer tranble bann laport lo zot gon e tanp ti ranpli avek lafimen.

2 Kronik 5:13

Bann santer, bann zwer tronpet ti zwenn ansanm dan larmoni, pour rann glwar e remersye SENYER: SENYER i bon; son fidelite i reste pour touzour. Sa ti ganny akonpannyen par bann son senbal avek lezot lenstriman lanmizik. Anmenmtan, en nyaz ti ranpli tanp SENYER.

Egzod 25:8

Zot ava konstri en sanktyer pour mwan, e mon ava reste parmi zot.

Romen 9:4

Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

2 Samyel 7:6

Mon pa'n reste dan en lakaz depi zour ki mon ti fer pep Izrael sorti dan Lezip ziska ozordi, me mon'n deplas mwan touzour anba en latant.

Ezekyel 10:4

Laglwar SENYER ti sorti kot seriben e monte dan direksyon lantre tanp. En nyaz ti ranpli tanp, me lakour ti ganny iliminen par laglwar SENYER.

Egzod 16:10

Pandan ki Aaron ti pe koz avek pep Izrael antye, zot ti get ver dezer e zot ti war laglwar SENYER aparet dan nyaz.

Psonm 26:8

SENYER! Mon kontan lakaz kot ou reste; e landrwa kot laglwar ou prezans i ete.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.