Egzod 33:3 - Labib An Kreol Seselwa

³ Al dan sa pei kot dimyel ek dile i annabondans. Me mon pa pou mont avek ou, akoz ou en pep antete; mon kapab detri ou dan semen.”

Egzod 33:3 交叉參考

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Zeremi 11:5

Alor, mon pou gard sa promes ki mon ti fer avek zot zanset, konmkwa mon pou donn zot sa pei kot dile ek dimyel i koul annabondans. Lanmenm la kot zot ete ozordi. Mon ti reponn, “Wi, SENYER”.

Zozye 5:6

Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.

Nonm 16:45

Elwanny zot avek sa pep e mon ava bril zot en sel kou. Moiz ek Aaron ti tonm la fas ater.

Nonm 16:21

“Sorti parmi sa bann dimoun e mon ava ekstermin zot en sel kou.”

Zonas 3:10

Kan Bondye ti war ki mannyer bann zabitan Niniv ti repanti, i pa ti pini zot parey i ti'n dir i pou fer. I pa ti detri lavil.

Zonas 3:4

Apre ki Zonas ti'n mars en zournen dan lavil, i ti kriye: Ankor dan 40 zour, Niniv pou ganny detri!

Psonm 78:8

Alor, zot pa pou devre fer parey zot bann zanset ki ti en zenerasyon rebel e dezobeisan, ki zanmen ti vreman met zot konfyans dan Bondye. Zot lespri pa ti fidel avek Bondye.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.

Nonm 16:13

I pa ase ki ou'n deza fer nou sorti dan en pei kot i koul dile ek dimyel, pour anmenn nou mor dan dezer? Aprezan, ou oule kontinyen domin nou koman nou sef?

Nonm 14:12

Mon pou detri zot par en lepidemi e dezerit zot. Mon pou fer sorti dan ou en gran nasyon pli gran e pli for ki zot.”

Nonm 14:8

Si SENYER i bon anver nou, i pou anmenn nou laba e donn nou sa pei kot i koul dile ek dimyel.

Nonm 13:27

La sa ki zot ti rakont Moiz: Nou'n al eksplor sa pei kot ou ti'n anvoy nou. I vre ki i en pei kot dile ek dimyel i koule. Gete, la son bann fri.

Levitik 20:24

Mon ti dir zot: Zot pou erit zot later; mwan ki pou fer zot pran posesyon; sa i en pei kot dile ek dimyel i koule annabondans. Mwan menm zot Bondye ki'n separ zot avek bann pep.

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Egzod 32:14

Alor, SENYER pa ti fer dimal ki i ti'n dir i pou fer son pep.

Egzod 23:21

Fer sir ou obeir li. Pa revolte kont li, akoz i pa pou pardonn ou bann fot. Annefe, i vin lo mon non.

Egzod 13:5

Zot ava pratik sa rityel pandan menm mwan, kan SENYER ti fer zot antre dan pei bann Kananeen, Hitit, Amorit, Hivit ek Zebizit; dan sa pei ki i ti promet avek zot zanset pour li donn zot, en pei kot dile ek dimyel i koule.

Egzod 3:17

Alor, mon ti dir: Mon pou fer zot sorti Lezip kot zot pe soufer e anmenn zot dan pei bann Kananeen, bann Hitit, bann Amorit, bann Perizit, sa pei kot dile ek dimyel i koule.

Egzod 33:5

SENYER ti dir Moiz, “Dir pep Izrael ki zot en pep antete. Si pandan en sel moman, mon ti mont avek ou, mon ti pou detri ou. Aprezan, tir ou bann lenz lafet; apre mon ava gete koman mon pou tret ou.”

2 Rwa 17:14

Me zot pa ti oule ekoute; zot ti antete parey zot bann zanset, ki pa ti krwar dan SENYER, zot Bondye.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Deterononm 4:24

Rapel byen ki SENYER, ou Bondye i en dife ki devor tou. I en Bondye zalou.

Ezai 48:4

Akoz mon konnen ki zot antete, ki zot likou i red parey en bar fer e zot fron i an bronz,