Egzod 32:10 - Labib An Kreol Seselwa

¹⁰ Aprezan, les mwan entervenir; mon pou pran lakoler kont zot e mon pou ekstermin zot. Me ou, mon pou fer ou vin en gran nasyon.”

Egzod 32:10 交叉參考

Deterononm 9:14

Les mwan detri zot e fer zot disparet anba lesyel. Mon pou fer ou vin en nasyon pli pwisan e pli nonbre ki sa pep.

Nonm 14:12

Mon pou detri zot par en lepidemi e dezerit zot. Mon pou fer sorti dan ou en gran nasyon pli gran e pli for ki zot.”

Deterononm 9:19

Annefe, mon ti per ki lakoler SENYER kont zot ti telman gran ki i ti ava detri zot. Me ankor en fwa, SENYER ti ekout mwan.

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

Egzod 32:19

Ler i ti apros kan, i ti war sa pti toro e lepep ki ti pe danse. Alor, lakoler Moiz ti monte. I ti zet ater sa de plak ros komannman e kraz zot anba, devan montanny.

Egzod 32:11

Me Moiz ti sipliy avek SENYER, son Bondye, “SENYER akoz ou pran sa gran lakoler kont ou pep ki ou ti fer sorti Lezip avek gran pwisans e par ou lanmen for?

Egzod 22:24

Mon lakoler pou monte e mon pou masakre zot; zot bann fanm pou vin vev e zot bann zanfan pou bann orfelen.

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 14:11

SENYER ti dir mwan, “Pa demann mwan fer nanryen pour ed sa pep.

Egzod 33:3

Al dan sa pei kot dimyel ek dile i annabondans. Me mon pa pou mont avek ou, akoz ou en pep antete; mon kapab detri ou dan semen.”

Nonm 16:21

“Sorti parmi sa bann dimoun e mon ava ekstermin zot en sel kou.”

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Zeremi 7:16

Zeremi! Pa bezwen priy pour sa pep. Pa bezwen pled dan zot faver avek mwan; pa ensiste avek mwan pour zot, akoz mon pa pou ekout ou.

Zeremi 11:14

Zeremi! Pa bezwen priy pour sa pep. Pa bezwen fer mont kot mwan okenn lapriyer pour zot; pa bezwen pled avek mwan pour zot. Kan zot ava dan traka e apel mwan pour ed zot, mon pa pou ekout zot.

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.