Egzod 3:8 - Labib An Kreol Seselwa

⁸ Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 3:8 交叉參考

Zenez 11:5

SENYER ti desann pour war sa lavil ek sa tour ki bann imen ti'n konstri.

Zenez 11:7

Annou desann e brouy zot langaz pour zot pa konpran kanmarad.

Zenez 15:13

SENYER ti dir li, “Mon oule fer ou konnen ki ou bann desandan pou reste dan en pei etranze ki pa pour zot. Zot pou vin lesklav laba e ganny martirize pandan 400 an.

Zenez 15:14

Me, mon pou ziz sa pep ki pou fer zot vin lesklav. Alor, zot ava kapab kit sa pei avek bokou larises.

Zenez 18:21

mon bezwen desann pour war si zot bann aksyon i parey bann lakizasyon ki mon'n tande lo zot; si zot in fer li oubyen non, mon pou konnen.”

Zenez 43:11

Alor, Izrael, zot papa, ti dir zot, “Fer sa ki neseser: Pran en pe meyer prodwi sa pei met dan zot sak, e anmenn koman en kado pour sa zonm: En pe lesans, en pe dimyel, zepis, pistas ek zamann.

Zenez 46:4

Mwan ki pou al avek ou Lezip, e mon pou retourn avek ou. Se Zozef ki pou ferm ou lizye avek son prop lanmen.”

Zenez 50:24

En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”

1 Kronik 1:15

bann Hivit, bann Arkit ek bann Sinit,

Nehemi 9:8

Ou ti war son leker senser anver ou; ou ti fer en lalyans avek li pour donn son desandans pei bann Kananeen, bann Hitit, bann Amorit, bann Perizit, bann Zebizit ek bann Girgasit. Ou'n gard ou promes, akoz ou zis.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 12:6

Parol SENYER i pir. I parey larzan ki'n ganny pirifye set fwa.

Psonm 34:8

Goute e gete koman SENYER i bon! Sa enn ki pran li pour son labri i vreman ere.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Egzod 12:41

Apre sa 430 an, zour pour zour, pep SENYER antye ti kit Lezip.

Egzod 12:51

Sa menm zour, SENYER ti delivre pep Izrael Lezip, organize an group koman en larme.

Egzod 13:5

Zot ava pratik sa rityel pandan menm mwan, kan SENYER ti fer zot antre dan pei bann Kananeen, Hitit, Amorit, Hivit ek Zebizit; dan sa pei ki i ti promet avek zot zanset pour li donn zot, en pei kot dile ek dimyel i koule.

Egzod 3:17

Alor, mon ti dir: Mon pou fer zot sorti Lezip kot zot pe soufer e anmenn zot dan pei bann Kananeen, bann Hitit, bann Amorit, bann Perizit, sa pei kot dile ek dimyel i koule.

Egzod 34:11

Ou ava obzerv tou sa ki mon ordonn ou ozordi: Mon pou sas devan ou bann Amorit, bann Kananeen, bann Hitit, bann Perizit, bann Hivit ek bann Zebizit.

Egzod 5:23

Depi ki mon'n vin kot Faraon pour koz lo ou non, in fer plis ditor sa pep e ou pa ankor delivre li.”

Ezai 36:17

ziska ki mon vini e anmenn zot dan en pei ki parey zot prop pei, en pei kot i annan dible ek diven, en pei kot i annan dipen ek plantasyon rezen.

Ezai 64:1

Si zis ou ti desir lesyel! Si ou ti desann! Bann montanny ti ava degrengole devan ou.

Zeremi 11:5

Alor, mon pou gard sa promes ki mon ti fer avek zot zanset, konmkwa mon pou donn zot sa pei kot dile ek dimyel i koul annabondans. Lanmenm la kot zot ete ozordi. Mon ti reponn, “Wi, SENYER”.

Zeremi 2:7

Mon'n fer zot antre dan en pei avek plantasyon fri, pour zot manz son bann fri e zouir son bann prodwi. Me kan zot ti vin dan mon pei, zot in fer li vin enpir, Zot in rann mon patrimwann degoutan.

Zeremi 32:22

Parey ou ti'n promet avek zot bann zanset, ou'n donn zot sa later ki ris e fertil.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Levitik 20:24

Mon ti dir zot: Zot pou erit zot later; mwan ki pou fer zot pran posesyon; sa i en pei kot dile ek dimyel i koule annabondans. Mwan menm zot Bondye ki'n separ zot avek bann pep.

Amos 2:10

Mon ti fer ou sorti Lezip; mon ti kondwir ou atraver dezer pandan 40 an, pour ou pran posesyon pei bann Amorit.

Nonm 13:18

La, zot ava dekouver koman sa pei i ete, zot ava war si son bann zabitan i for oubyen si i feb, si popilasyon i gran ou non.

Nonm 13:19

Gete si pei i bon oubyen move, si dimoun i reste dan lavil ki antoure avek miray oubyen non.

Nonm 13:27

La sa ki zot ti rakont Moiz: Nou'n al eksplor sa pei kot ou ti'n anvoy nou. I vre ki i en pei kot dile ek dimyel i koule. Gete, la son bann fri.

Levanzil dapre Zan 3:13

Personn pa'n deza mont dan lesyel, eksepte Fis-de-Lonm ki'n desann sorti dan lesyel.

Levanzil dapre Zan 6:38

Mon'n sorti dan lesyel pour vin fer non pa mon prop volonte, me volonte sa enn ki'n anvoy mwan.

Deterononm 1:25

Zot ti pran prodwi sa pei e anmenn kot nou. Zot ti donn nou en rapor. Zot ti dir: Sa pei ki SENYER, nou Bondye pou donn nou i bon.

Deterononm 1:7

Repran zot semen e antre dan montanny kot bann Amorit e kot zot bann vwazen Kananeen, dan rezyon montanny Sepela, Negev ek rezyon lakot, dan pei bann Kananeen ek Liban, ziska gran larivyer Efrat.

Deterononm 27:3

Kan ou ava travers larivyer Zourden pour antre dan pei ki SENYER, ou Bondye pe al donn ou, en pei kot dile ek dimyel i koule, parey SENYER Bondye ou bann zanset in promet ou, ou ava ekri lo sa bann gro ros, tou bann parol sa lalwa.

Deterononm 28:11

SENYER ava fer ou prospere. I ava donn ou bokou zanfan, ogmant ou bann troupo, ek prodwi ou later, dan sa pei ki SENYER in fer serman avek ou bann zanset pour donn ou.

Deterononm 6:3

Izrael! Ekoute alor, e obzerv byen sa bann komannman. Konmsa, zot ava viv ere e zot ava ganny bokou zanfan dan sa pei kot dile ek dimyel i koule annabondans, parey SENYER, Bondye ou bann zanset in promet zot.

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Zozye 5:6

Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.

Zozye 9:1

Ler zot ti aprann sa, tou bann lerwa ki ti reste dan rezyon Les avek larivyer Zourden, dan rezyon montanny, dan rezyon laplenn, dan kote lanmer Mediterane, ziska Liban: Hitit, Amonit, Kananeen, Perizit, Hivit ek Zebizit

Zozye 9:7

Me bann Izraelit ti reponn sa bann Hivit, “Petet zot reste parmi nou. Dan sa ka, ki mannyer nou kapab fer en lalyans avek zot?”