1 SENYER ti ordonn Moiz: Konvok parmi Izrael ou frer Aaron ek son bann garson, Nadab, Abihou, Eleazar ek Itamar. Met zot apar pour servi mwan koman pret.
Mon'n swazir ou ek ou bann garson pour fer servis dan sanktyer, lo lotel e deryer rido. Mon donn zot responsabilite pret. Sa enn ki apros sanktyer pou ganny met anmor.
Moiz ti dir avek Aaron, Eleazar ek Itamar, son de garson ki ti reste, “Pran sa ki reste dan lofrann vezetal ki'n ganny ofer; bril li devan SENYER e manz li san lelven akote lotel, akoz i en keksoz tre sakre.
Nadab ek Abihou, de garson Aaron, tou le de ti pran zot lansanswar, met dife ladan e met lansan lo la. Zot ti prezant devan SENYER en dife ordiner ki SENYER pa ti'n ordonnen.
“Apel Aaron ek son bann garson. Pran bann lenz sakre, delwil pour konsekrasyon; pran toro pour sakrifis pardon pese, de mouton mal, ek korbey dipen san lelven.
bann labiyman spesyal pour servi dan sanktyer, bann labiyman sakre pour pret Aaron e bann lenz ki son bann garson ava mete pour zot egzers zot minister.
Ou ava pas en sentir otour leren Aaron ek son bann garson; ou ava met en bonnen lo zot latet. Par sa fason, ou ava konsakre Aaron ek son bann garson. La koman ou ava mark lantre an fonksyon Aaron ek son bann garson:
Bann levit ti abandonn zot lakour ek zot propriyete pour vin etabli zot dan teritwar Zida ek Zerizalenm, akoz Zeroboanm ek son bann garson ti anpes zot egzers zot fonksyon pret pour SENYER.
Mon ti swazir ou zanset parmi tou bann tribi Izrael pour fer li vin mon pret, pour li ofer lansan lo mon lotel, e pour li port en lefod dan mon prezans; mon ti donn ou zanset tou bann lofrann brile par dife, ofer par pep Izrael.
Bann garson Anmranm: Aaron ek Moiz. Aaron ek son bann garson ti ganny konsakre pour servis tre sen, pour ofer lansan devan SENYER, pour ofisye pour li e pronons bann benediksyon lo son non, pour touzour.
