Egzod 24:1 - Labib An Kreol Seselwa

¹ SENYER ti dir Moiz, “Mont kot SENYER lo montanny avek Aaron, Nadab, Abihou ek 70 ansyen parmi pep Izrael. Zot ava prosternen depi en bon distans.

Egzod 24:1 交叉參考

Nonm 11:16

SENYER ti dir Moiz, “Rasanble 70 ansyen pour diriz pep Izrael. Anmenn zot devan mwan, plas zot devan Latant Rankont SENYER ansanm avek ou.

Egzod 6:23

Aaron ti marye avek Eliseba, fiy Aminadab e ser Nasonn. I ti donn li kat garson: Nadab, Abihou, Eleazar ek Itamar.

Egzod 28:1

SENYER ti ordonn Moiz: Konvok parmi Izrael ou frer Aaron ek son bann garson, Nadab, Abihou, Eleazar ek Itamar. Met zot apar pour servi mwan koman pret.

Egzod 19:24

SENYER ti dir li, “Desann, apre, ou ava remont avek Aaron. Me bann pret ek lepep pa devre depas balizaz pour vin kot SENYER, pangar serten parmi zot i mor.”

Levanzil dapre Lik 10:17

Sa 72 disip ti retournen dan lazwa. Zot ti dir, “Senyer! Lo ou non, menm bann demon in obei nou.”

Levanzil dapre Lik 10:1

Apre sa, Senyer ti swazir 72 lezot disip e anvoy zot devan li, de par de, dan tou bann lavil ek landrwa kot li menm i ti pou ale.

Ezekyel 8:11

Devan sa bann zimaz, 70 ansyen parmi pep Izrael ti pe debout. Yazanya, garson Safann ti parmi zot. Sakenn ti annan en lansanswar dan son lanmen e lafimen loder lansan ti pe monte.

1 Kronik 6:3

Bann zanfan Anmranm: Aaron, Moiz ek Mirianm. Bann zanfan Aaron: Nadab, Abihou, Eleazar ek Itamar

Egzod 34:2

Met ou pare demen bomaten. Ou ava vin lo montanny Sinai bomaten, ou ava prezant ou devan mwan lo latet montanny.

Egzod 24:15

Apre, Moiz ti mont lo montanny; en nyaz ti kouver sa montanny.

Egzod 24:9

Apre, Moiz ti mont lo montanny avek Aaron, Nadab, Abihou ek sa 70 ansyen parmi pep Izrael.

Egzod 20:21

Lepep ti debout lwen pandan ki Moiz ti apros kot Bondye ti ete dan sa nyaz epe.

Egzod 19:20

SENYER ti desann lo latet montanny Sinai, e i ti apel Moiz lo latet montanny. Moiz ti monte.

Egzod 19:9

SENYER ti dir Moiz, “Mon pe vin kot zot dan en nyaz epe, pour ki lepep ava kapab ekoute kan mon koz avek ou e pour ki zot ava krwar ou pour touzour.” Moiz ti dir SENYER tou sa ki lepep ti'n dir li.

Egzod 3:5

Bondye ti dir li, “Pa vin pli pre. Tir ou sandal dan ou lipye, akoz landrwa kot ou pe debout i en later sen.”

Egzod 1:5

Sa ti desandan Zakob: 70 an tou. Zozef ti deza Lezip.

Egzod 24:2

Moiz tousel ava apros kot SENYER; me lezot ava reste lwen; lepep pa pou mont avek li.”

Deterononm 1:15

Alor, mon ti pran zot bann sef tribi, bann zonm saz, eksperyanse e enstal zot koman zot sef: Sef 1,000, sef 100, sef 50, sef 10, ek bann zofisye ki pou ansarz sak tribi.