Egzod 23:7 - Labib An Kreol Seselwa

⁷ Pa vin konplis dan mansonz; pa touy en dimoun inosan, oubyen sa enn ki annan rezon, akoz mon pa pou soutir en koupab.

Egzod 23:7 交叉參考

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

Deterononm 27:25

Malediksyon lo sa enn ki aksepte gous pou fer koule disan inosan. Lepep ava dir: Amenn!

Egzod 34:7

ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Egzod 23:1

Ou pa pou fann fo rimer. Ou pa devre alye ou avek fo temwen pour defann en koupab.

1 Tesalonisyen 5:22

e prezerv zot kont tou sa ki mal.

Levitik 19:11

Pa vole; pa koz manti, ni tronp ou prosen.

Romen 1:18

Depi lesyel, Bondye i montre son lakoler kont tou pese e tou move aksyon ki zonm i fer lo later. Par zot move aksyon, zonm i anpes laverite azir.

Levanzil dapre Lik 3:14

Bann solda ti osi demann li, “E nou, ki nou devre fer?” Zan ti dir zot, “Pa servi vyolans, oubyen fo lakizasyon; kontant zot avek zot lapey.”

Nahoum 1:3

SENYER i pasyan e son pwisans i gran. SENYER pa zanmen fer en koupab pas pour inosan. I tras son semen atraver gro divan ek tanpet; bann nyaz i koman lapousyer anba son lipye.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Proverb 17:15

SENYER i deteste sa enn ki deklar en koupab inosan e sa enn ki kondann en inosan.

Liv Zob 22:23

Si ou retourn kot Bondye liniver, ou ava revin ere. Elwanny ou avek tou lenzistis.

Egzod 20:13

Ou pa pou komet okenn mert.

Zenez 18:23

I ti aprose e demann li, “Eski ou pou vreman detri bann zis ansanm avek bann koupab?

Egzod 20:16

Ou pa pou donn okenn fo temwannyaz kont ou prosen.

Levitik 19:16

Pa senm kalonmni kont ou prosen, ni fer en lakizasyon ki fer disan ou prosen koule. Mwan menm SENYER.

Deterononm 25:1

Si de dimoun i al devan tribinal, pour rezoud en dispit, ziz ava deside lekel ki inosan, lekel ki koupab.

Psonm 94:21

Ki mannyer zot met zot ansanm kont dimoun onnet e kondann anmor en inosan.

Psonm 119:29

Elwanny semen mansonz avek mwan. Dan ou bonte, fer mwan konn ou lalwa.

Proverb 11:21

En malfeter pou sirman ganny pini; me desandans sa enn ki zis pou ganny sove.

Ezai 5:20

Maler lo zot ki apel sa ki byen, mal e sa ki mal, byen; ki sanz fernwanr pour lalimyer e lalimyer pour fernwanr; ki fer krwar anmer sa ki dou e dou sa ki anmer.