Egzod 23:6 - Labib An Kreol Seselwa

⁶ Ou pa pou priv en pov son drwa dan en zafer.

Egzod 23:6 交叉參考

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Deterononm 27:19

Malediksyon lo sa enn ki priv en etranze, en orfelen e en vev zot drwa. Lepep ava dir: Amenn!

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Zeremi 6:28

Zot tou, zot en bann rebel andirsi ki senm rimer partou. Zot leker i dir parey bronz ek fer. Zot tou, zot bann malfeter.

Liv Zob 31:13

Si mon ti rezet drwa mon bann travayer ler zot ti met en konplent kont mwan,

2 Kronik 19:7

Mon swete ki zot annan gran respe pour SENYER. Azir byen dan tou sirkonstans, akoz dan SENYER nou Bondye, napa ni lenzistis, ni preferans, ni koripsyon.”

1 Samyel 8:3

Bann garson Samyel pa ti swiv legzanp zot papa. Zot ti les zot ganny tante par larzan; zot ti aksepte gous, e pas fo zizman.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

Proverb 22:22

Pa vol en pov akoz i mizer, ni kraz enn ki dan bezwen devan laport lavil.

Proverb 31:5

Ler zot in bwar, zot oubliye sa ki lalwa i dir e zot trai drwa bann pov.

Ezai 5:23

Zot ki larg en koupab pour gous e refiz bann inosan zot drwa.