Egzod 20:5 - Labib An Kreol Seselwa

⁵ Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Egzod 20:5 交叉參考

Nonm 14:18

Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Deterononm 5:9

Ou pa pou prostern devan zot ni ador zot. Mwan SENYER, ou Bondye, mon en Bondye zalou. Mon pini bann zanfan pour pese zot paran, ziska trwazyenm e menm katriyenm zenerasyon bann ki deteste mwan.

Deterononm 4:24

Rapel byen ki SENYER, ou Bondye i en dife ki devor tou. I en Bondye zalou.

Egzod 34:14

Ou pa devre ador okenn lot bondye, akoz non SENYER i Zalou! I en Bondye zalou.

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

Psonm 109:14

Fot son papa ek son gran papa ava reste la, devan SENYER e pese son manman pa pou ganny efase.

Zozye 23:7

Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.

Deterononm 6:15

akoz SENYER, ou Bondye ki viv parmi ou, i en Bondye zalou. Lakoler SENYER, ou Bondye i kapab anflanmen kont ou e detri ou lo later.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Nonm 14:33

Zot zanfan pou viv lavi berze pandan 40 an. Zot pou sibir konsekans zot enfidelite, ziska ki sa enn dernyen i mor.

Psonm 79:8

Pa pini nou pour pese nou bann zanset. Pa tarde pour montre ou konpasyon pour nou. Nou'n tonm byen ba.

Egzod 23:24

Ou pa pou prostern devan zot bondye, ni ador zot, ni swiv zot bann pratik. O kontrer, ou ava detri zot konpletman e kas zot bann pilye sakre an pti morso.

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.

Romen 8:7

Si en dimoun i les li ganny kontrole par son natir imen, i vin lennmi Bondye. Annefe, i pa soumet li avek Lalwa Bondye e i menm enkapab fer li.

Romen 1:30

Zot dir dimal lo kanmarad. Zot bann lennmi Bondye, ensolan, orgeye, vantar. Zot touzour pare pour envant bann nouvo fason pour fer ditor. Zot rebel anver zot paran.

Zeremi 2:9

Pour sa bann rezon, mwan, SENYER, mon deklare: Mon pou kontinyen akiz zot. Mon pou akiz osi zot bann desandan.

Ezai 44:19

Personn pa reflesir dan li menm; personn napa lentelizans ek disernman pour dir: Mon'n bril lanmwatye sa dibwa; mon'n osi kwi manze lo labrez, mon'n roti lavyann ki mon'n manze. Aprezan mon pou fer en stati degoutan avek leres. Mon pou fer reverans devan en morso dibwa.

Ezai 44:15

Sa dibwa i ava kapab servi pour alim dife. En bout i ava servi pour sof li avek. I alim en dife pour li kwi manze. Avek en lot bout, i fabrik en zidol ki i adore. I fabrik en stati e fer reverans devan li.

Psonm 81:15

Sa bann ki ay mwan ti pou vin flat mwan e Izrael ti ava viv anpe pour touzour.

Liv Zob 5:4

Son bann zanfan pa ganny okenn sekour; devan tribinal, zot ava ganny akize, san personn pour defann zot.

2 Rwa 23:26

Me SENYER ti gard son gran lakoler, ki i ti'n pran kont Zida, akoz bann provokasyon Manase pour kontrarye li.

2 Rwa 17:35

SENYER ti fer en lalyans avek zot e donn zot sa lord: Zot pa devre ador okenn lezot bondye ni prostern devan zot, ni servi zot, ni ofer zot okenn sakrifis.

1 Rwa 21:29

“Eski ou'n war ki mannyer Akab in imilye li devan mwan? Akoz in imilye li devan mwan, mon pa pou fer sa bann maler tonm lo li pandan son vivan; me pandan renny son garson ki mon pou fer maler tonm lo son fanmir.”

2 Samyel 21:6

donn nou 7 zonm parmi son bann garson; nou ava ekspoz zot lekor devan SENYER dan lavil Gibea-Sail, sa enn ki SENYER ti'n swazir.” Lerwa ti dir, “Mon ava fer li.”

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

Deterononm 7:10

Me i pini direkteman sa bann ki ay li; i fer zot disparet. I pa ezite pour pini bann ki ay li; i pini zot direkteman.

Levitik 26:29

Zot ava manz laser zot bann garson e zot ava manz laser zot bann fiy.

Levitik 26:1

Zot pa pou fer okenn fo bondye, ni fabrik okenn stati, ni okenn pilye ros sakre. Zot pa pou fer okenn stati taye dan zot pei pour zot prostern devan zot. Mwan menm SENYER, zot Bondye.

Levitik 20:5

mwan menm, mon pou tourn kont li e kont son fanmir. Mon pou sas li parmi son pep, li avek tou sa bann ki'n swiv li pour al fer prostitisyon avek Molek.

1 Korentyen 10:22

Eski nou oule fer Senyer zalou? Eski nou krwar ki nou pli for ki li?

Levanzil dapre Zan 15:18

“Si lemonn i ay zot, rapel byen ki i'n ay mwan avan zot.

Levanzil dapre Zan 7:7

Lemonn pa kapab ay zot, me mwan i ay mwan, akoz mon dir sa ki zot fer ki mal.

Matye 4:9

Dyab ti dir li, “Mon pou donn ou tousala, si ou met ou azenou e ador mwan.”

Danyel 1:2

SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Proverb 8:36

Me dimoun ki ofans mwan, i fer son prop lekor ditor. Dimoun ki ay mwan, zot kontan lanmor.

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Liv Zob 21:19

zot dir ki Bondye i pini bann zanfan dan plas zot papa. Sa papa menm ki devre ganny pini pour donn li en leson.

2 Kronik 25:14

Kan Amasya ti retournen apre son laviktwar bann Edomit, i ti fer anmenn bann stati bondye Edomit. I ti fer etabli zot koman son bondye; i ti ador zot e ofer zot lansan.

2 Rwa 17:41

Alor, sa bann nasyon ti ador SENYER e anmenmtan zot ti ador zot bann stati. Ziska ozordi, zot bann zanfan ek tou zot desandans, pe kontinyen fer parey zot zanset ti fer.

Ziz 2:19

Me ler bann ziz ti mor, zot ti rekonmans vin koronpi, plis ki zot bann zanset. Zot ti swiv lezot bondye, servi zot e prostern devan zot; zot pa ti renons zot bann move mannyer viv.

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

Deterononm 32:41

si mon fit mon lepe klate e mon lanmen i pronons zizman, mon pou vanz mon bann ladverser e pey an retour sa bann ki ay mwan.

Levanzil dapre Zan 9:2

Son bann disip ti demann li, “Met! Lekel ki ti fer pese pour ki sa zonm in ne aveg; li, oubyen son paran?”

Deterononm 5:10

Me mon montre mon fidelite ziska mil zenerasyon, anver sa bann ki kontan mwan e ki gard mon bann komannman.

1 Rwa 19:10

Eli ti reponn, “SENYER, Bondye liniver, mon pa kapab siporte ki pep Izrael in abandonn ou lalyans, detri tou ou bann lotel, e touy tou ou bann profet par lepe. I reste zis mwan e zot pe rod mwan pour touye.”

Ezekyel 18:19

Selman, ou demande: Akoz en garson pa responsab pese son papa? En garson ki'n respekte lalwa e fer sa ki zis, ki obei tou mon komannman, i pou sirman viv.

Ezekyel 20:7

Mon ti dir zot: Sakenn parmi zot, abandonn sa bann lobze degoutan ki zis atir regar! Pa rann zot enpir avek bann zidol Lezip. Mwan menm Senyer BONDYE.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Nonm 25:11

“Fineas, garson Eleazar, garson Gran-Pret Aaron in apez mon lakoler par sa ki i'n fer. I ti zalou parey mwan e mon pa'n detri zot dan mon lakoler.

2 Rwa 5:18

Sepandan, mon demann SENYER pardon pour en keksoz: Ler mon met ava apiy lo mon lebra pour li al prosternen dan tanp Rimonn, e ler mwan osi, mon pou bezwen prosternen, SENYER ava pardonn mwan pour sa.”

2 Rwa 5:27

Alor, lalep Naaman pour kol lo ou ek ou desandan pour touzour.” Gehazi ti sorti devan Elize kouver avek lalep; i ti blan koman lannez.

2 Kronik 7:19

Me si ou tourn ou ledo avek mwan, e si ou abandonn mon bann regleman ek mon bann komannman ki mon'n plas devan zot, pour zot al servi lezot bondye e ador zot,

Ezekyel 18:2

Ki savedir sa proverb konsernan later Izrael ki dimoun i kontinyen repete: Bann paran in manz rezen ver; e ledan bann zanfan in grense?

Danyel 3:18

Menm si i pa fer li, nou fer ou konnen, ki nou pa pou servi ou bann bondye e nou pa pou ador sa stati annor ki ou'n fer.”