Egzod 20:10 - Labib An Kreol Seselwa

¹⁰ Me setyenm zour i saba rezerve pour SENYER, ou Bondye. Sa zour, ou pa pou fer okenn travay, ni ou, ni ou garson, ni ou fiy, ni ou serviter, ni ou servant, ni ou bann zannimo, ni okenn etranze ki reste dan ou bann lavil.

Egzod 20:10 交叉參考

Egzod 34:21

Pandan sis zour ou ava travay, me setyenm zour, ou ava repoze. Ou ava fer saba menm pandan letan ki ou labour later e pandan larekolt.

Levanzil dapre Lik 23:56

Alor, zot ti retourn se zot e zot ti prepar bann aromat ek parfen. Zour saba, zot ti repoze, parey lalwa i ordonnen.

Nehemi 10:31

pour pa aste okenn marsandiz oubyen legren ki bann zabitan sa pei ti anmennen pour vann zour saba, oubyen okenn lezot zour lafet. Nou pa pou fer okenn rekolt e nou pa pou egziz peyman okenn det tou le 7 an.

Egzod 31:13

Ou menm, koz avek pep Izrael: Sirtou zot devre obzerv mon bann saba, akoz sa i en siny ant mwan ek zot, zenerasyon apre zenerasyon, pour zot konnen ki mwan, SENYER, ki konsakre zot.

Egzod 16:26

Pandan sis zour zot ava anmase; me setyenm zour, i zour saba; pou napa nanryen.”

Egzod 35:2

Travay ava ganny fer pandan sis zour; me setyenm zour pou en zour sakre, en saba, en zour repo pour SENYER. Sa enn ki travay sa zour pou ganny touye.

Levitik 23:3

Zot ava travay pandan sis zour. Me setyenm zour i saba, en zour repo konplet, en rasanbleman sakre. Zot pa pou travay sa zour; i en saba an loner SENYER partou kot zot ava pe reste.

Ezekyel 14:7

Akoz sa, kan en dimoun parmi pep Izrael, oubyen en etranze ki reste dan pei Izrael, ki'n abandonn mwan, e ki gard son zidol dan son leker e plas en lobstak par son fot, ki vin konsilte mwan atraver en profet, mwan SENYER ki pou reponn li.