Egzod 15:2 - Labib An Kreol Seselwa

² SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Egzod 15:2 交叉參考

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Psonm 118:14

SENYER i mon lafors e mon pwisans; li, ki'n sov mwan.

Psonm 18:46

SENYER i vivan! Mon rann glwar mon Ros protekter. Mon egzalte Bondye mon Sover.

Psonm 59:17

Ou ki mon lafors, mon pou sant avek lazwa pour ou. Ou mon Bondye, ou mon protekter. Ou mon Bondye ki fidel anver mwan.

Ezai 25:1

SENYER! Ou mon Bondye. Mon pou loue ou e selebre ou non, akoz ou'n fer en kantite mervey pour mwan. Bann plan ki ou'n formen depi lontan i reste solid, zot pa sanze.

Psonm 140:7

SENYER Bondye! Ou menm lafors mon delivrans. Ou'n protez mon latet dan konba.

Psonm 99:9

Proklanmen ki SENYER, nou Bondye i gran! Prosternen devan son montanny sen, akoz SENYER, nou Bondye i Sen.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Filipyen 2:11

e ki tou i proklanmen, ki Zezi-Kri i Senyer, pour laglwar Bondye Papa.

Psonm 118:28

SENYER! Ou menm mon Bondye! Mon loue ou. Mon Bondye! Mon proklanm ou grander.

Psonm 99:5

Loue SENYER, nou Bondye! Ador li devan son tronn! SENYER, i sen.

Psonm 34:3

Vin proklanm avek mwan grander SENYER! Ansanm, annou sant son non!

Deterononm 10:21

Zot ava loue li; i zot Bondye. I'n fer pour ou bokou bann gran mervey ki zot in war avek zot prop lizye.

Egzod 3:6

I ti azoute, “Mwan menm Bondye ou papa, Bondye Abrahanm, Bondye Izaak e Bondye Zakob.” Moiz ti kouver son figir akoz i ti per pour regard Bondye.

2 Korentyen 5:19

Annefe, par Kris, Bondye in fer tou dimoun rekonsilye avek li menm, san tenir kont zot pese. E i'n konfye nou son Parol rekonsilyasyon.

Akt de Zapot 4:12

Zis li menm ki kapab sov zot, akoz napa okenn lot non dan lemonn antye, ki Bondye in donnen par lekel nou kapab ganny sove.”

Psonm 145:1

Mon pou proklanm ou grander, Bondye mon lerwa. Mon pou loue ou non pour touzour e touzour.

2 Samyel 22:47

SENYER i vivan! Mon loue mon Ros protekter. Mon egzalte Bondye mon Sover.

Egzod 14:13

Moiz ti dir pep Izrael, “Pa per! Reste debout e regarde ki mannyer SENYER pou sov zot ozordi. Sa bann Ezipsyen ki zot war ozordi pou disparet.

Egzod 4:22

Ou ava dir Faraon: La sa ki SENYER i deklare: Izrael i mon lene garson.

Efezyen 2:22

Ini avek li, zot osi, zot form parti sa konstriksyon pour ki ansanm avek tou lezot, zot vin en lakaz kot Bondye i kapab reste par son Lespri.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Psonm 109:1

Mon Bondye ki mon loue! Pa gard silans.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Egzod 40:34

Alor, en nyaz ti vin kouver Latant Rankont e laglwar SENYER ti ranpli sanktyer.

Revelasyon 19:1

Apre sa, mon ti antann en lavwa for, konmsi lavwa en gran lafoul dan lesyel ki ti kriye: Loue Senyer! Delivrans, laglwar ek pwisans i pour nou Bondye!

Filipyen 4:13

Mon kapab fer fas avek tou difikilte gras a Kris ki donn mwan lafors.

Levanzil dapre Zan 5:23

pour ki tou dimoun i onor son Garson parey zot onor li. Sa enn ki pa onor son Garson, i pa onor son Papa ki'n anvoy li.

Levanzil dapre Zan 4:22

Zot, zot pa konnen ki zot adore; me nou, nou konnen sa ki nou adore, akoz delivrans i vin atraver bann Zwif.

Levanzil dapre Lik 2:30

Annefe, mon lizye in war ou delivrans

Levanzil dapre Lik 1:77

pour fer konnen son pep ki i vin sov li e pardonn li son pese.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Zeremi 32:38

Alor, zot pou vin mon pep, e mon pou vin zot Bondye.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 3:23

Annefe, tou sa ki sorti lao dan kolin, i zis pour tronp dimoun. Zis SENYER, nou Bondye ki kapab sov Izrael.

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Psonm 132:5

tan ki mon pa trouv en landrwa pour SENYER, en landrwa reste pour Bondye Pwisan Zakob.

Psonm 68:20

Nou Bondye i en Bondye sover. BONDYE i Senyer ki sov nou dan lanmor.

Psonm 30:1

SENYER! Mon proklanm ou grander. Ou pa'n les mon bann lennmi anmize lo mon depan.

Psonm 28:8

SENYER i lafors son pep; i defann li e i sov sa enn ki i'n konsakre.

Psonm 22:10

Depi zour mon nesans, mon ti ganny konfye avek ou. Depi dan vant mon manman, ou'n touzour mon Bondye.

Psonm 22:3

Pourtan, ou menm ki Sen. Pep Izrael i sant ou louanz otour ou tronn.

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

1 Rwa 8:13

Mon'n konstri en gran rezidans pour ou, en landrwa kot ou ava reste pour touzour!

2 Samyel 22:51

SENYER i donn son lerwa bokou laviktwar. I montre son fidelite pour sa enn ki i'n konsakre, pour David ek son desandans pour touzour.

2 Samyel 7:5

Al dir mon serviter David, la sa ki SENYER i deklare: Ou ki oule konstri en lakaz pour mwan reste ladan?

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Kolosyen 2:9

Annefe, Kris i posed dan son lekor, tou natir konplet Bondye.

Zenez 49:18

SENYER! Mon esper ou, e ou ava sov mwan.

Ziz 5:21

Larivyer Kisonn ti balye zot, sa larivyer antik, larivyer Kisonn! Mon kraz zot avek lafors.

Psonm 48:14

ki sa Bondye i nou Bondye pour touzour; i pou gid nou pour touzour.

Habakouk 3:13

Ou sorti pour sov ou pep, pour sov sa enn ki ou'n konsakre. Ou detri sef klan bann malfeter. Ou detri zot konpletman.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

2 Samyel 7:24

Ou'n etabli Izrael, ou pep pour li vin ou pep pour touzour, e ou SENYER, ou'n vin son Bondye.

2 Samyel 22:3

I mon Bondye, mon ros protekter, kot mon an sekirite; mon boukliye, mon korn ki delivre mwan mon sitadel, mon refiz. Ou mon Sover ki protez mwan kont vyolans.

1 Kronik 16:14

Se li SENYER, nou Bondye; i egzers son zizman lo later antye.

Psonm 118:21

Mon pou loue ou akoz ou'n reponn mwan, ou ki'n sov mwan.