Egzod 10:2 - Labib An Kreol Seselwa

² pour ki ou osi, ou rakont ou bann zanfan ek ou bann pti zanfan ki mannyer mon ti tret bann Ezipsyen, e bann siny ki mon ti fer parmi zot. Konmsa, zot ava konnen ki mwan menm SENYER.”

Egzod 10:2 交叉參考

Zoel 1:3

Rakont sa avek zot bann zanfan; zot bann zanfan ava rakont avek zot bann zanfan; zot bann pti zanfan, ava rakont avek zot zenerasyon.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Psonm 44:1

Mon Bondye! Nou'n antann avek nou prop zorey. Nou zanset in rakont nou tou bann gran keksoz ki ou ti fer a lepok:

Egzod 7:17

La sa ki SENYER i deklare: La koman ou ava konnen ki mwan menm SENYER: Avek sa baton ki dan mon lanmen, mon pou tap delo larivyer Nil ki ava vin disan.

Efezyen 6:4

Zot, bann papa! Pa eksit lakoler zot zanfan; me o kontrer, elve zot dan en ledikasyon ek disiplin enspire par Senyer.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 20:26

Me mon ti les zot vin enpir par zot bann don, ler zot ti ofer an sakrifis zot premye zanfan pour mwan, pour fer zot per e pour ki zot konnen: Mwan ki SENYER.

Psonm 71:18

Mon Bondye! Aprezan ki mon'n vye avek seve blan, pa abandonn mwan. Les mwan proklanm ou lafors avek sa zenerasyon e ou pwisans avek zenerasyon fitir.

Psonm 58:11

Dimoun ava dir: Vreman! I annan en rekonpans pour bann dimoun ki zis. Vreman! I annan en Bondye ki ziz later!

Egzod 7:5

Konmsa, ler mon ava poz mon lanmen lo Lezip e fer bann Izraelit sorti parmi zot, bann Ezipsyen ava konnen ki mwan menm SENYER.”

2 Samyel 7:22

Senyer BONDYE, ou gran! Napa personn parey ou, e dapre sa ki nou'n tande, napa en lot Bondye apard ou.

Egzod 8:6

Aaron ti lev son lanmen dan direksyon bann larivyer Lezip. Grenouy ti monte e kouver Lezip antye.

Egzod 14:4

Mon pou andirsi leker Faraon; i pou pourswiv zot e mon pou ganny laglwar atraver Faraon ek son pep. Tou Ezipsyen pou konnen ki se mwan SENYER”. Sanmenm ki zot ti fer.

Egzod 14:18

Bann Ezipsyen ava konnen ki mwan menm SENYER, kan zot ava war mon grander atraver Faraon, son bann kales lager ek son bann kavalye.”

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Psonm 78:3

Bann keksoz ki nou'n antann e ki nou konnen, ki nou bann zanset i'n rakont nou,

Ezai 38:19

Zis dimoun vivan, sa ki vreman vivan, ki kapab loue ou parey mon pe fer. Se bann paran ki fer zot zanfan konn ou fidelite.