Egzod 10:10 - Labib An Kreol Seselwa

¹⁰ Faraon ti dir zot, “SENYER ava avek zot si mon les ou ale avek ou bann zanfan. I kler ki zot annan en move lentansyon.

Egzod 10:10 交叉參考

2 Kronik 32:15

Aprezan, pa les Ezekyas tronp zot e anmenn zot dan move semen. Pa krwar li! Napa okenn bondye parmi sa bann nasyon ki'n kapab delivre son pep dan mon lanmen, ni dan lanmen mon bann zanset. Alor, pa krwar ki zot bann bondye pou kapab delivre zot dan mon lanmen.

Egzod 13:21

SENYER ti al devan zot dan en kolonn nyaz pandan lazournen e dan en kolonn dife aswar, pour zot kapab kontinyen marse lizour koman aswar.

Lamantasyon 3:37

Personn pa kapab fer keksoz arive san ki SENYER i deside.

Egzod 10:9

Moiz ti dir li, “Nou pou al avek nou bann zennzan ek nou bann vyeyar; nou pou al avek nou bann garson ek nou bann fiy, avek nou bann troupo, pour nou fer en lafet pour SENYER.”

Egzod 10:11

Sa pa pou arive. Zis zot bann zonm ki pou ale. Ale! Al servi SENYER akoz sanmenm ki zot in demande.” Apre, zot ti ganny pouse dan prezans Faraon.

Egzod 10:24

Faraon ti apel Moiz. I ti dir li, “Ale! Al servi SENYER. Me fodre zot kit zot troupo deryer. Tou zot bann zanfan ava kapab al avek ou.”