Ebre 9:16 - Labib An Kreol Seselwa

¹⁶ La kot i annan en testaman, laprev lanmor sa enn ki'n fer sa testaman i neseser.

Ebre 9:16 交叉參考

Let Zak 2:10

Annefe, si en dimoun i met an pratik tou bann komannman, me i mank en pwen ladan, i koupab anver tou leres.

1 Korentyen 15:22

Parey tou dimoun i mor dan Adan, tou pou reganny lavi dan Kris.

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

Romen 5:12

Pese in antre dan lemonn akoz en sel zonm: Adan. Pese in anmenn lanmor. E akoz nou tou nou'n komet pese, lanmor in tous tou bann et imen.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

Ebre 9:17

Annefe, en testaman i pa valab osi lontan ki sa dimoun ki'n fer li i ankor vivan.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.