Ebre 9:1 - Labib An Kreol Seselwa

¹ Sa premye lalyans ti annan son bann regleman konsernan ladorasyon ek en sanktyer ki lo later.

Ebre 9:1 交叉參考

Egzod 25:8

Zot ava konstri en sanktyer pour mwan, e mon ava reste parmi zot.

Ebre 8:2

I servi koman Gran-Pret dan sanktyer e vre latant ki'n ganny etabli non pa par zonm, me par Senyer.

Levitik 18:30

Alor, zot ava gard tou sa ki mon'n ordonn zot. Pa pratik sa bann aksyon degoutan ki ti ganny komet avan zot. Konmsa, zot pa ava rann zot enpir. Mwan menm SENYER zot Bondye.

Levitik 22:9

Bann pret ava akonpli tou sa ki mon'n ordonnen, san rann zot koupab pour en pese profanasyon ki anmenn lanmor. Mwan menm SENYER ki rann zot sen.

Ebre 8:7

Annefe, si sa premye lalyans ti san defo, i pa ti pou neseser annan en dezyenm.

Kolosyen 2:8

Fer atansyon ki zot pa ganny atrape par bann fo largiman filozofik, ki pa fonde lo Kris, me lo lasazes imen, lo tradisyon zonm, ek bann lespri ki kontrol lemonn.

Ezekyel 43:11

Si zot vreman onte pour tou sa ki zot in fer, montre zot plan tanp. Fer zot konn son laranzman, bann antre ek bann sorti, son laform zeneral avek bann regleman, son plan ek bann lalwa. Ekri tousala e met devan zot lizye pour ki zot ava swiv tou bann regleman e met zot an pratik.

Nonm 9:12

Pa les nanryen reste pour lannmen bomaten; les son karkas antye e pa kas okenn lezo; zot bezwen fer dapre bann lareg konsernan lafet Pak.

Ebre 8:13

Kan Bondye ti koz lo en nouvo lalyans, i ti fer sa enn premye vin ansyen. Alor, sa enn ki ansyen e ki'n vyeyi, i pre pou disparet.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Romen 9:4

Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.