Ebre 8:5 - Labib An Kreol Seselwa

⁵ Sa bann pret, fonksyon ki zot pe egzerse, i zis en kopi, en lonbraz sanktyer ki dan lesyel, akoz kan Moiz ti pe etabli sa latant, Bondye ti donn li sa lord: Ou ava fer tou parey sa model ki ou'n ganny montre lo montanny.

Ebre 8:5 交叉參考

Egzod 25:40

Veye ki ou fer zot dapre model ki mon'n montre ou lo montanny.

Kolosyen 2:17

Tousala i zis lonbraz keksoz ki pou vini dan lavenir. Me se Kris ki larealite.

Ebre 10:1

Annefe, Lalwa Moiz pa reprezant egzakteman bann realite. I zis en reprezantasyon bann realite ki pou ganny manifeste plitar. I pa pou zanmen kapab, par sa bann sakrifis ki reste parey toulezan, rann parfe bann dimoun ki apros devan Bondye.

Egzod 26:30

Ou ava konstri latant sakre dapre model ki mon ti montre ou lo montanny.

1 Kronik 28:19

SENYER ti met tousala par ekri pour fer mwan byen konpran plan tou son bann travay.

Egzod 27:8

Ou ava fer sa lotel kre anndan e an plans; ou ava fer li dapre model ki mon ti montre ou lo montanny.

1 Kronik 28:12

I ti osi donn li tou bann plan ki ti ankor dan son lespri: Bann lakour tanp SENYER, bann lasanm otour, bann lasal trezor tanp SENYER e bann lasal trezor rezerve pour met bann don pour sakrifis;

Ebre 9:9

Sa ti en senbol ki reprezant letan prezan: Savedir ki bann lofrann ek sakrifis zannimo pa ti kapab rann parfe leker sa adorater.

Nonm 8:4

La ki mannyer portlanp ti'n ganny fer: I ti'n ganny forze avek en sel morso lor depi anba ziska anler. Sa portlanp ti dapre model ki SENYER ti'n montre Moiz.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Akt de Zapot 7:44

Nou bann zanset ti annan Latant Temwannyaz avek zot dan dezer. Sa Latant ti'n ganny fer egzakteman parey Bondye ti'n ordonn Moiz. Annefe, Bondye ti'n dir Moiz reprodwir sa model ki i ti'n war.

Egzod 25:9

Zot ava konstri sanktyer ek bann lobze sakre, dapre model ki mon pou montre ou.

Matye 2:12

Apre, zot ti retourn se zot par en lot semen, akoz Bondye ti'n averti zot dan en rev pour pa retourn kot Herod.

Ebre 13:10

Bann pret ki servi dan sanktyer napa drwa manz sa ki ganny ofer lo lotel.

Revelasyon 15:5

Apre sa, mon ti war latant Temwannyaz Bondye ouver dan lesyel.

Zozye 22:28

Alor, nou ti dir antre nou: Si zot dir sa avek nou, oubyen avek nou bann desandan, nou ava reponn: Get sa model lotel SENYER ki nou zanset ti konstri, pa pou ofer bann sakrifis konplet, ni pour lezot sakrifis, me pour ki i en temwen ant nou ek zot.