Ebre 6:1 - Labib An Kreol Seselwa

¹ Alor, annou les deryer nou sa lansennyman elemanter lo Kris; annou avanse pour ariv lo en nivo matirite. I pa neseser ki nou poz fondasyon sa mesaz, setadir: Nesesite pour aret fer bann move aksyon, e krwar dan Bondye,

Ebre 6:1 交叉參考

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Ebre 12:13

Fer bann santye byen drwat pour zot lipye, pour ki sa enn ki bwete pa deranz son lipye, me plito ki i geri.

Matye 21:32

Zan ti vini pour montre zot lekel sa bon semen pour zot swiv, e zot pa ti oule krwar li. Me bann kolekter taks ek bann prostitye ti krwar li. Menm apre ki zot in war sa, zot pa ti sanz zot leker pour krwar li.”

Ebre 7:11

Dapre Lalwa pep Izrael, bann pret i devre ganny swazir parmi bann garson tribi Levi. Zot ti pret dapre lord Aaron. Me zot saserdos pa ti parfe, sinon, akfer annan en lot pret dapre lord Melkisedek? Sa pa ti pou neseser.

Efezyen 4:12

Konmsa ki i'n prepar pep Bondye pour akonpli son servis e fer grandir lekor Kris.

Levanzil dapre Zan 12:44

Zezi ti kriy byen for, “Sa enn ki war dan mwan, pa krwar zis dan mwan, me osi dan sa enn ki'n anvoy mwan.

Levanzil dapre Zan 5:24

Mon dir zot, sa i laverite: Tou dimoun ki ekout mon parol e krwar dan sa enn ki'n anvoy mwan, i posed lavi eternel. I pa pou ganny kondannen; i'n deza sorti dan lanmor e pas dan lavi eternel.

Matye 3:2

Sanz zot mannyer viv, akoz Rwayonm lesyel i pros.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

2 Korentyen 7:10

Annefe, latristes ki dapre plan Bondye, i prodwi repantans ki donn delivrans, san ki nou bezwen regrete. Me latristes ki vin akoz bann traka lemonn, i prodwi lanmor.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Akt de Zapot 20:21

Mon'n sipliy Zwif koman Grek pour tourn kot Bondye e krwar dan nou Senyer Zezi-Kri.

Akt de Zapot 11:18

Apre ki zot ti'n antann sa bann parol, zot ti reste trankil e zot ti rann glwar Bondye. Zot ti dir: Alor i vre ki Bondye in donn bann ki pa Zwif, posibilite pour sanz zot fason viv e resevwar sa nouvo lavi!

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

Levanzil dapre Zan 14:1

Zezi ti dir zot, “Pa bezwen les zot leker trouble. Kwar dan Bondye e krwar osi dan mwan.

Mark 6:12

Alor, bann disip ti ale. Zot ti proklanmen ki tou dimoun i devre sanz zot mannyer viv.

Mark 1:1

La Bonn Nouvel Zezi-Kri, Garson Bondye.

Matye 4:17

Apartir sa moman, Zezi ti konmans prese. I ti dir: Sanz zot mannyer viv, akoz Rwayonm lesyel i pros!

1 Zan 4:12

Personn pa'n deza war Bondye. Si nou kontan kanmarad, Bondye i viv dan nou e son lanmour i parfe dan nou.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

Let Zak 1:4

Me fodre ki zot pasyans i manifeste konpletman. Konmsa, zot ava vin parfe, san defo, e zot pa ava mank nanryen.

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Kolosyen 4:12

Epafras osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou.

Kolosyen 1:28

Pour sa rezon, nou pe anons Kris avek tou dimoun. Nou pe averti e ansenny zot tou, avek tou lasazes posib, pour rann zot parfe dan Kris.

Efezyen 2:5

alor ki nou ti'n mor spirityelman akoz nou fot, Bondye ti fer nou reviv avek Kris. Par son lagras ki zot in ganny sove.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

Efezyen 2:1

Otrefwa, zot ti'n spirityelman mor akoz zot bann fot, e akoz zot bann pese.

1 Korentyen 13:10

Me kan sa ki parfe pou arive, sa ki enkonplet pou disparet.

Akt de Zapot 17:30

Bondye nepli tenir kont bann letan kan bann imen ti pe viv dan linyorans. Me aprezan i apel tou dimoun dan nenport ki landrwa pour sanz zot mannyer viv.

Akt de Zapot 2:38

Pyer ti reponn zot, “Sanz zot mannyer viv e ki sakenn i ganny batize lo non Zezi-Kri, pour li ganny pardon son bann pese. Alor, zot ava resevwar kado Bondye: Lespri Sen.

Matye 7:25

Lapli i tonbe, larivyer i deborde, e divan i soufle lo sa lakaz. Me i pa tonbe, akoz i'n ganny konstri lo ros.

Matye 5:48

Zot alor, zot devre parfe parey zot Papa ki dan lesyel i parfe.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

1 Timote 6:19

Alor, zot ava anmas en bon trezor solid pour lavenir, ki ava fer zot ganny vre lavi.

Levanzil dapre Lik 6:48

I parey en zonm ki konstri en lakaz. I fouy byen dan fon e poz son fondasyon lo ros. Kan linondasyon i arive, e delo i bat avek lakaz, i pa kapab sekwe li, akoz i'n ganny byen konstri.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Matye 21:29

Son garson ti reponn: Mon pa pou ale. Me plitar i ti sanz son lide e i ti ale.

1 Korentyen 2:6

Pourtan, nou anons en mesaz lasazes parmi bann kretyen adilt; non pa lasazes sa lemonn, ni lasazes bann dirizan sa lepok ki pou ganny detri.

Kolosyen 3:14

Pardesi tou, annan lanmour ki soud ansanm tou keksoz parfetman dan larmoni.