Ebre 5:7 - Labib An Kreol Seselwa

⁷ Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

Ebre 5:7 交叉參考

Levanzil dapre Zan 17:1

Kan Zezi ti'n fini koze, i ti lev lizye ver lesyel. I ti dir: Papa! Ler in arive, glorifye ou Garson pour ki ou Garson i ava glorifye ou.

Matye 27:46

Ver 3 er apre midi, Zezi ti kriy avek en lavwa for, “Eloi! Eloi! Lama sabaktani?” Savedir, “Mon Bondye! Mon Bondye! Akoz ou'n abandonn mwan?”

Mark 15:34

Ver 3 er, Zezi ti kriy avek en lavwa for: Eloi, Eloi, lama sabaktani? Savedir: Mon Bondye! Mon Bondye! Akoz ou'n abandonn mwan?

Ebre 12:28

Alor, akoz nou pe resevwar en rwayonm ki pa kapab ganny sekwe, annou an rekonesans, servi Bondye dan en mannyer ki fer li plezir, avek soumisyon e avek respe.

Levanzil dapre Zan 11:35

Zezi ti plere.

Matye 27:50

Ankor en fwa, Zezi ti kriye avek en lavwa byen for, e i ti rann son dernyen souf.

Mark 15:37

Me Zezi ti kriy byen for e i ti mor.

Psonm 22:24

SENYER pa'n ni rezet, ni mepriz dimoun pov ki dan maler. I pa ti kasyet li son figir; i ti reponn li kan i ti kriy ver li.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Levanzil dapre Lik 23:46

Alor, Zezi ti kriy avek en lavwa for, “Papa! Mon remet mon lespri dan ou lanmen.” Kan i ti'n fini dir sa parol, Zezi ti rann son dernyen soupir.

Psonm 69:1

Mon Bondye! Sov mwan. Delo in mont ziska mon likou.

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Ezai 49:8

La sa ki SENYER i deklare: Dan letan favorab, mon ti reponn ou. Zour delivrans, mon ti sekour ou; mon'n gard ou pour fer ou vin en lalyans pour lepep, pour ou relev sa pei e partaz bann patrimwann ki'n reste abandonnen;

Levitik 2:2

I ava anmenn sa lofrann kot bann pret, bann garson Aaron. En pret ava pran en ponnyen sa lafarin melanze avek delwil ek lansan, e bril lo lotel koman sa porsyon rezerve pour SENYER. Sa i en lofrann brile dan dife, ki anvoy en loder ki fer plezir SENYER.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.

1 Zan 4:3

Me sa enn ki pa rekonnet Zezi, pa sorti kot Bondye. I lespri Ladverser Kris ki zot in tande pe vini. Annefe, i deza la dan lemonn.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

Levanzil dapre Zan 11:42

Mon konnen ki ou touzour ekout mwan. Me mon'n dir sa pour sa bann dimoun ki otour mwan, pour ki zot krwar ki ou menm ki'n anvoy mwan.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Ezai 53:3

I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.

Psonm 88:1

SENYER, Bondye mon Sover! Lizour, lannwit mon kriy ver ou.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Ebre 10:5

Se pour sa rezon, kan Kris ti pe vin dan lemonn, i ti dir Bondye: Ou pa oule ni sakrifis, ni lofrann, me ou'n prepar en lekor pour mwan.

Ebre 10:10

Zezi-Kri in fer lavolonte Bondye. I'n ofer li menm en fwa pour tou. Konmsa ki nou pese in ganny pardonnen.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.