Ebre 4:1 - Labib An Kreol Seselwa

¹ Bondye in les nou sa promes konmkwa nou pou kapab antre dan son repo ki i'n prepare pour nou. Alor, annou fer byen atansyon ki personn parmi zot pa mank lokazyon antre dan sa repo.

Ebre 4:1 交叉參考

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Ebre 4:11

Alor, annou fer tou zefor posib pour antre dan sa repo, pour ki personn pa tonbe par dezobeisans, parey nou bann zanset.

Ebre 4:9

Sa i vedir ki i annan ankor en repo pour pep Bondye. Sa i setyenm zour.

Proverb 28:14

Sa enn ki touzour veye pour pa fer sa ki mal fer, i ere. Me sa enn ki annan leker dir pour konn maler.

Ebre 13:7

Rapel bann ansyen ki'n anons zot Parol Bondye. Mazinen ki mannyer zot in viv; imit zot lafwa.

2 Timote 2:13

Si nou pa fidel, li i pou reste fidel, akoz i pa kapab kontredir son prop lekor.

1 Korentyen 10:12

Alor, sa enn ki krwar i debout, fer atansyon ki i pa tonbe.

Romen 11:20

Sa i zis: Zot in ganny koupe akoz zot in mank lafwa, e ou, ou dan sa plas akoz ou lafwa. Me pa bezwen fer vantar. Fer plito atansyon.

Romen 3:23

Annefe, tou dimoun in fer pese e in perdi mazeste Bondye.

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Nonm 14:34

Zot pou soufer konsekans zot pese pandan 40 an, en lannen pour sak zour ki zot ti eksplor sa pei. Zot ava konn mon mekontantman.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

Ebre 3:11

Dan mon lakoler, mon ti fer sa serman: Zot pa pou antre dan mon repo.

Proverb 14:16

En saz i per maler e i pas akote; sa enn ki bet i azir tro vit akoz i fer tro konfyans.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.

Matye 24:48

Me si sa serviter i move, i pou dir dan li menm: Mon met i tarde pour retournen;

Akt de Zapot 3:19

Donk, sanz zot mannyer viv e retourn ver Bondye pour ki i pardonn zot, zot pese.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

Galat 5:4

Zot tou ki pe esey rod ganny zistifye par Lalwa, zot in separe avek Kris, e zot in perdi lagras.