Ebre 2:13 - Labib An Kreol Seselwa

¹³ I ti osi dir: Mon pou met mon konfyans dan Bondye. E ankor: La mon la avek bann zanfan ki Bondye in donn mwan.

Ebre 2:13 交叉參考

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

1 Korentyen 4:15

Annefe, si zot arive ganny 10,000 ansennyan dan zot lavi avek Kris, zot napa plizyer papa. Annefe, kan mon ti vin anons zot Bonn Nouvel, se mwan ki'n vin zot papa pour zot lavi avek Zezi-Kri.

Levanzil dapre Zan 10:29

Mon Papa ki'n donn mwan sa bann mouton, i pli gran ki tou, e personn pa kapab aras nanryen dan lanmen mon Papa.

Psonm 91:2

i kapab dir avek SENYER: Ou menm mon labri e mon fortres; ou menm mon Bondye dan ki mon'n met mon konfyans.

Zenez 48:9

Zozef ti reponn son papa, “Zot mon bann garson ki Bondye in donn mwan isi.” I ti dir, “Fer zot apros isi pour mwan beni zot.”

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

2 Samyel 22:3

I mon Bondye, mon ros protekter, kot mon an sekirite; mon boukliye, mon korn ki delivre mwan mon sitadel, mon refiz. Ou mon Sover ki protez mwan kont vyolans.

Zenez 33:5

Kan Ezai ti lev son lizye e war bann fanm ek bann zanfan, i ti dir, “Lekel tou sa bann dimoun ki avek ou?” Zakob ti reponn, “Zot bann zanfan ki Bondye in donn mwan, ou serviter.”

Psonm 127:3

Zanfan i en trezor ki SENYER i donnen; en rekonpans pour en manman.

Psonm 16:1

Mon Bondye! Protez mwan. Mon met mon konfyans dan ou.

Matye 27:43

I'n met son konfyans dan Bondye. Aprezan, si Bondye i kontan li, i ava sov li. Annefe i ti dir ki i garson Bondye!”

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.