Ebre 2:11 - Labib An Kreol Seselwa

¹¹ Annefe, sa enn ki pirifye, ek bann ki ganny pirifye, zot tou, zot annan en menm papa. Pour sa rezon, Zezi pa onte pour apel zot son bann frer.

Ebre 2:11 交叉參考

Ebre 10:14

Ensi, par en sel lofrann, in rann parfe pour touzour, tou dimoun ki'n ganny pirifye.

Ebre 10:10

Zezi-Kri in fer lavolonte Bondye. I'n ofer li menm en fwa pour tou. Konmsa ki nou pese in ganny pardonnen.

Levanzil dapre Zan 20:17

Zezi ti dir li, “Pa tous mwan, akoz mon pa ankor mont kot Papa. Me al kot mon bann frer, dir zot ki mon pe al kot mon Papa ki osi zot Papa, mon Bondye, ki osi zot Bondye.”

Ebre 13:12

Pour sa rezon ki Zezi osi ti mor an deor laport lavil, pour ki lepep i ganny pirifye par son prop disan.

Romen 8:29

Annefe, tou bann ki Bondye in swazir davans, in osi deside davans pour rann zot parey son Garson. Konmsa, son Garson i vin lene parmi en kantite frer.

Levanzil dapre Zan 17:19

Pour zot, mon konsakre ou mon lekor, pour ki zot osi, zot ava vreman ganny konsakre dan laverite.

Levanzil dapre Zan 17:21

Mon priye pour ki zot tou, zot ava vin en sel. Parey ou mon Papa, ou dan mwan e mwan mon dan ou; ki zot osi, zot ava dan nou. Konmsa, lemonn ava krwar ki ou ki'n anvoy mwan.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

Akt de Zapot 17:26

Apartir en sel zonm, i'n kree tou bann nasyon dan lemonn e etabli zot lo later antye. Li menm ki davans in fikse letan egzakt e limit bann rezyon kot zot devre reste.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Mark 8:38

Annefe, sa enn ki onte akoz mwan ek mon bann parol parmi sa zenerasyon adilter, ranpli avek pese, Fis-de-Lonm osi pou onte pour li, kan i pou vini dan mazeste son Papa avek bann lanz sen.”

Matye 28:10

Alor Zezi ti dir zot, “Pa per! Al dir mon bann frer vin Galile kot zot ava war mwan.”

Akt de Zapot 17:28

akoz, atraver li, nou ganny lavi, nou kapab bouze e nou egziste. Sanmenm sa ki serten parmi zot poet in osi dir: Nou osi nou son bann zanfan.

Levanzil dapre Lik 9:26

Annefe, sa enn ki onte akoz mwan ek mon parol, Fis-de-Lonm osi pou onte kont li, kan i pou vini dan son mazeste e dan laglwar son Papa ek son bann lanz sen.

Mark 3:34

I ti get tou bann dimoun ki ti pe asize otour li. I ti dir zot, “La mon manman ek mon bann frer.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.