Ebre 2:10 - Labib An Kreol Seselwa

¹⁰ Annefe, Bondye, pour ki e par ki tou keksoz i egziste, in rann Zezi parfe atraver son soufrans. Par son soufrans, Zezi in fer bokou son bann zanfan partisip dan son laglwar. Li menm ki'n sov zot.

Ebre 2:10 交叉參考

Romen 11:36

Annefe, tou i sorti kot li; tou i egziste par li e pour li. Bondye i merit laglwar pour touzour! Amenn!

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 6:20

Lanmenm la kot Zezi in antre avan nou e pour nou. Annefe, i'n ganny etabli koman Gran-Pret pour touzour dapre lord Melkisedek.

Akt de Zapot 5:31

Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.

Levanzil dapre Lik 24:46

I ti dir zot, “Parey in ganny ekri: Mesi pou soufer, e resisite trwazyenm zour.

Levanzil dapre Lik 24:26

Pa i ti neseser ki Mesi i soufer tousala, avan ki i antre dan son laglwar?”

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Korentyen 8:6

pour nou, i annan en sel Bondye, Papa, kot tou keksoz i sorti, e pour ki nou egziste. I osi annan en sel Senyer, Zezi-Kri, par ki tou keksoz i egziste e par ki nou egziste.

Ebre 7:28

Annefe, Lalwa Moiz ti etabli koman Gran-Pret, bann zonm ki pa ti parfe. Me parol serman ki'n vin apre lalwa, i etabli en Garson ki'n vin parfe pour leternite.

Efezyen 3:10

Konmsa, gras a Legliz, bann lanz, bann lotorite ek pwisans dan lesyel ava kapab konn lasazes Bondye dan son diferan form.

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

Kolosyen 3:4

Kan Kris, zot vre lavi ava aparet, alor, zot osi, zot ava aparet avek li e pran par dan tou son laglwar.

Galat 3:26

Annefe, par lafwa ki ini zot avek Zezi-Kri, zot tou, zot zanfan Bondye.

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

Romen 9:23

Me i'n osi oule montre larises son mazeste pour bann anver ki i'n annan pitye, bann ki i'n prepare davans pour partisip dan son laglwar.

Akt de Zapot 3:15

Konmsa ki zot i'n met anmor sa enn, ki li menm sours lavi. Me Bondye in resisit li, e nou, nou la koman temwen.

Proverb 16:4

Tou sa ki SENYER in fer i pour en rezon, menm bann malfeter, pour zot ganny pini zour maler.

Revelasyon 7:9

Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Efezyen 2:7

I ti fer sa pour montre pour bann syek plitar, larises ekstraordiner son lagras par labonte ki i'n montre pour nou dan Zezi-Kri.

2 Korentyen 6:18

Mon pou vin en papa pour zot, e zot ava vin mon bann garson ek mon bann fiy, Senyer Toupwisan i deklare.

2 Korentyen 5:18

Tou i sorti kot Bondye ki'n rekonsilye nou avek li par Kris e i'n konfye avek nou sa misyon pour fer lezot rekonsilye avek li.

2 Korentyen 4:17

Nou bann pti soufrans aktyel pe prepar pour nou en gran laglwar eternel ki napa okenn konparezon.

1 Korentyen 2:7

Mon pe anons lasazes sekre Bondye ki'n kasyet pour zonm. Depi avan kreasyon lemonn, Bondye ti'n deza swazir sa lasazes pour fer nou partisip dan son laglwar.

Levanzil dapre Zan 19:30

Kan Zezi ti'n gout sa vineg, i ti dir, “Tou in akonpli!” Apre, i ti bes son latet e i ti rann son souf.

Levanzil dapre Zan 11:52

pa zis pour nasyon Zwif, me osi pour rasanble koman en sel pep, tou bann zanfan Bondye ki'n disperse.

Levanzil dapre Lik 13:32

Zezi ti reponn zot, “Al dir sa renar: Ozordi ek demen, mon pe sas bann move lespri e geri bann malad. Me trwazyenm zour mon pou fini mon travay.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Mise 2:13

Sa enn ki ouver en pasaz pou sorti devan. Zot pou ouver en pasaz, pas par laport e sorti. Zot lerwa i mars devan zot. SENYER i gid zot.

Oze 8:10

Kanmenm zot in pey bann nasyon, mon pou rasanble zot. Zot pou soufer anba fardo zot bann lerwa ek zot bann sef.

Ezai 55:4

Mon'n fer li vin en temwen pour bann pep, en sef ki komann bann pep.

Ezai 43:21

Sa pep ki mon'n formen zis pour mwan ava sant mon louanz.

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Nonm 7:15

en toro, en mouton mal adilt, en zenn mouton aze enn an pour sakrifis konplet;