Ebre 2:1 - Labib An Kreol Seselwa

¹ Pour sa rezon, nou bezwen port en pli gran latansyon pour mesaz ki nou'n tande, pour ki nou pa les nou ganny antrennen dan perdisyon.

Ebre 2:1 交叉參考

Levanzil dapre Lik 8:15

Bann lagrenn ki tonm dan bon later se bann ki antann Laparol avek en leker onnet e bon; zot gard li e avek perseverans zot prodwir bokou fri.”

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

2 Pyer 3:1

Mon bann zanmi! Sa i dezyenm let ki mon ekri zot. Dan tou le de, mon'n fer zot rapel bann souvenir ki ava ed zot konpran.

2 Pyer 1:15

Mon pou fer tou mon posib pour ki menm apre mon lanmor, zot ava touzour rapel tousala.

Proverb 3:21

Mon garson! Gard ou lizye fikse lo lasazes ek refleksyon.

Psonm 119:9

Konman eski en zenn i kapab gard son lavi pir? Kan i obei parol SENYER.

1 Kronik 22:13

Si ou respekte e met an pratik tou bann lalwa ek regleman ki SENYER in donn Moiz pour Izrael, ou ava reisi. Reste for, pran kouraz e pa per; pa les lafreyer pran ou.

Ebre 12:5

Pa oubliy sa bann parol lankourazman ki Bondye i adres zot koman son bann garson: Mon garson! Pa per koreksyon Senyer. Pa dekouraze kan i repros ou.

Mark 8:18

Zot annan lizye, me zot pa war kler? Zot annan zorey, me zot pa tande? Zot pa rapel:

Matye 16:9

Zot pa ankor konpran? Zot pa rapel sa senk dipen ki ti nouri 5,000 zonm? Konbyen pannyen ti reste?

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Habakouk 2:16

Ou'n kouver ou avek laont plito ki loner. Akoz ou osi, pa ou bwar e tir ou touni? Lakoup ki dan lanmen drwat SENYER pou savir lo ou: Ou loner pou sanz an laont!

Levanzil dapre Lik 9:44

“Ekout byen sa bann parol ki mon pou dir zot: Fis-de-Lonm pou ganny livre dan lanmen bann zonm.”

Habakouk 1:6

Mon pe anvoy bann Babilonyen, sa nasyon vyolan, san pitye, ki travers partou dan bann pei, pour pran posesyon bann landrwa ki pa pour zot.

Levanzil dapre Zan 8:59

Zot ti anmas ros pour saboul li, me Zezi ti kasyet e i ti kit Tanp.