Ebre 13:5 - Labib An Kreol Seselwa

⁵ Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Ebre 13:5 交叉參考

Deterononm 31:8

SENYER pou mars devan ou. I pou avek ou; i pa pou deles ou ni abandonn ou. Pa bezwen per ni tranble.”

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Deterononm 31:6

Reste for e pran kouraz! Pa bezwen ni per ni tranble devan zot, akoz SENYER, ou Bondye pe mars avek ou; i pa pou deles ou ni abandonn ou.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.

Ezai 41:17

Bann pov ek bann malere ava rod delo, me pou napa. Zot lalang i sek avek laswaf; mwan SENYER, mon pou reponn zot; mwan Bondye Izrael, mon pa pou abandonn zot.

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

Psonm 37:25

Mon ti zenn, ozordi mon'n vye. Zanmen mon'n war en dimoun zis ganny abandonnen, ni son bann zanfan pe mandyan manze.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Matye 6:25

Pour sa rezon, mon dir zot: Pa trakase lo sa ki zot pou manze e lo sa ki zot pou bwar; ni pour konnen kwa ki zot bezwen pour viv oubyen kwa ki pou mete. Eski lavi pa i pli enportan ki manze, e lekor pa i pli enportan ki lenz?

Psonm 37:28

Annefe, SENYER i kontan lazistis. I pa pou abandonn dimoun ki fidel.

Matye 6:34

Alor, pa trakase pour demen. Demen ava li menm anmenn ase traka konmsa. Traka ozordi i ase pour ozordi.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

Levanzil dapre Lik 3:14

Bann solda ti osi demann li, “E nou, ki nou devre fer?” Zan ti dir zot, “Pa servi vyolans, oubyen fo lakizasyon; kontant zot avek zot lapey.”

Ezekyel 33:31

Alor, mon pep pou rasanble e asiz devan ou. Zot pou ekout ou, me zot pa pou fer sa ki ou dir zot. Zot pou fer sa ki fer zot plezir e sa ki dan zot prop lentere.

Psonm 119:36

Donn mwan sa dezir swiv ou bann lord e non pa rod mon prop lentere.

2 Pyer 2:14

Zot regar i ranpli avek dezir pour komet adilter; zot pa zanmen komet ase pese. Zot atir bann ki feb dan zot pyez. Zot leker in byen antrennen dan dezir pour ganny larzan. Zot in ganny malediksyon!

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

Efezyen 5:5

Zot devre konnen ki napa personn ki pe anmenn en lavi imoral, sal, e avar (lavaris se idolatri) ki pou ganny en plas dan Rwayonm Kris ek Bondye.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Psonm 10:3

I vant son lekor akoz son bann move dezir. Akoz in reisi, i gognard SENYER e mepriz li.

Egzod 2:21

Moiz ti aksepte pour reste kot sa zonm ki ti donn li son fiy Sefora.

Efezyen 5:3

Zot fer parti pep Bondye. Par konsekan, veye ki tou form imoralite seksyel, lavi dezordonnen ek lanvi, pa menm ganny mansyonnen parmi zot.

1 Korentyen 5:11

Non, mon ti oule dir zot ki zot pa devre asosye zot avek okenn dimoun, menm si i apel li kretyen, me ki pe viv en lavi imoral, ki anvye, ki ador zidol, ki kalonmnye son prosen, ki soular oubyen voler. Zot pa devre ni menm manz avek en tel dimoun.

Levanzil dapre Lik 8:14

Sa bann ki tonm parmi brousay pikan, se bann ki tande, me ki ganny toufe par traka larzan ek plezir lavi; zot pa zanmen donn fri mir.

Mark 7:22

adilter, lanvi pour keksoz dimoun, mesanste, riz, lavi dezord, zalouzi, kalonmni, vantardiz, nwizans.

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.

1 Korentyen 6:10

voler, dimoun anvye, soular, dimoun ki kalonmnye, dimoun ki akapar sa ki pour son prosen, pa pou erit Rwayonm Bondye.

Romen 1:29

Zot ranpli avek toudsort mesanste, move dezir, vis, zalouzi, krim, dispit, riz, malis. Zot lans bann fo lakizasyon.

Zozye 7:21

Mon ti war parmi bann piyaz lager, en manto sorti Sinear, de kilo larzan ek en lengo lor ki ti pez en demi kilo, mon ti anvi; alor, mon'n pran. Mon'n anter dan mon latant; larzan i dan fon.”

Zenez 31:5

I ti dir zot: Mon remarke ki zot papa napa menm lestim pour mwan parey avan. Me Bondye mon papa in avek mwan.

Deterononm 4:31

Annefe, SENYER, ou Bondye i en Bondye ranpli avek konpasyon; i pa pou abandonn ou ni detri ou. I pa pou oubliy lalyans ki i ti fer avek ou bann zanset.

1 Samyel 10:7

Ler sa bann siny ava'n realize, ou ava fer sa ki ou devre fer akoz Bondye i avek ou.

1 Rwa 6:13

Mon pou reste avek pep Izrael; mon pa pou abandonn mon pep Izrael.

1 Rwa 8:57

SENYER Bondye i avek nou parey in avek nou bann zanset; i pa pou zanmen kit nou ni abandonn nou.

Proverb 23:4

Pa fatig ou pour vin ris; ganny ase lespri pour ou refize.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Matye 6:19

Pa anmas zot larises lo later, kot i ganny detri par lever ek larouy, kot voler i kas lakaz pour vole.

2 Korentyen 4:9

Nou ganny persekite, me nou pa ganny abandonnen. Nou ganny kraze, me nou pa ganny detri.

Zenez 30:31

Laban ti dir, “Ki mon kapab donn ou?” Zakob ti reponn, “Ou pa bezwen donn mwan nanryen. Si ou aksepte mon kondisyon ki mon pou propoz ou, mon pou aksepte vey ou troupo e gard ou bann mouton ankor.