Ebre 13:2 - Labib An Kreol Seselwa

² Pa oubliye pratik lospitalite. Annefe, serten san konnen, in resevwar lanz se zot.

Ebre 13:2 交叉參考

Matye 25:35

Mon ti lafen, zot ti donn mwan manze. Mon ti swaf, zot ti donn mwan delo. Mon ti en etranze, e zot ti resevwar mwan se zot.

Zenez 18:1

SENYER ti aparet avek Abrahanm parmi bann gran pye dibwa sakre Manmre. Abrahanm ti pe asiz devan son latant, dan lasaler lazournen.

Romen 12:13

Ed zot bann frer ki dan bezwen e pratik lospitalite.

1 Pyer 4:9

Pratik lospitalite ant zot san gronnyen.

Matye 25:43

Mon ti en etranze, zot pa ti resevwar mwan se zot; mon ti touni, zot pa ti donn mwan lenz; mon ti malad e dan prizon, zot pa ti vin vizit mwan.

Let Pol pour bann Tit 1:8

O kontrer, i devre konn donn lospitalite, kontan sa ki byen, rezonnab, zis, sen e annan kontrol lo son lekor.

Liv Zob 31:32

Okenn etranze pa ti dormi dan semen. Mon ti ouver mon laport avek bann vwayazer.

Levitik 19:34

Tret sa etranze ki'n vin reste kot ou koman en sitwayen parmi zot. Kontan sa etranze parey ou menm akoz ou osi, ou ti etranze dan pei Lezip: Mwan menm SENYER ou Bondye.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

1 Timote 5:10

Fodre ki i ganny rekonnet pour son travay byenfezans. Fodre ki i'n byen elve son bann zanfan, pratik lospitalite, montre limilite an lavan lipye bann krwayan, port sekour bann malere e pratik bann bonn aksyon.

1 Timote 3:2

En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

Romen 16:23

Gayis ki'n resevwar mwan se li, e kot Legliz i rasanble, i osi fer zot salanm. Erast, trezorye lavil, ek nou frer Kartis i fer zot salanm.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Akt de Zapot 16:15

Lidi avek tou son fanmir, ti ganny batize. Apre, i ti envit nou kot li, “Si zot estimen ki mon vreman krwar dan Senyer, vin reste kot mwan.” I ti fors nou aksepte son lenvitasyon.

Liv Zob 31:19

si mon'n deza les en dimoun touni oubyen en pov san okenn kouvertir,

2 Rwa 4:8

En zour, Elize ti pe pas vilaz Sounenm kot en fanm tre ris ti reste, e ki ti ensiste pour li reste pour manze. Alor, sak fwa ki Elize ti pas par la, i ti al manz kot li.

Zenez 19:1

Ver aswar, sa de mesaze ti ariv Sodonm. Lot ti pe asiz kot laport lavil. Letan Lot ti war zot, i ti leve pour al zwenn zot. I ti prosternen ziska ater.

3 Zan 1:5

Mon zanmi! Kan ou rann servis bann frer, sirtou bann etranze, ou pe azir dapre ou lafwa.