Ebre 13:11 - Labib An Kreol Seselwa

¹¹ Annefe, lekor bann zannimo ki Gran-Pret i anmenn zot disan pour ofer pour pardon pese, i ganny brile an deor kan.

Ebre 13:11 交叉參考

Levitik 16:27

Sa toro ek sa bouk sakrifis pour pardon pese, ki zot disan ti ganny servi dan rityel pour pardon pese dan sanktyer, ava ganny transporte an deor kan kot zot lapo, zot lavyann ek zot leskreman ava ganny brile.

Egzod 29:14

Me ou ava bril an deor kan, lapo ek lavyann sa toro, ansanm avek son leskreman. Sa i en sakrifis pour pardon pese.

Nonm 19:3

Ou ava donn sa bef pret Eleazar. Zot ava anmenn li an deor kan, kot i ava ganny egorze dan prezans Eleazar.

Levitik 9:11

I ti bril lavyann sa zenn bef ek son lapo an deor kan.

Levitik 6:30

Me fodre pa manz okenn sakrifis ki'n ganny ofer pour pardon pese kot disan in ganny anmennen dan Latant Rankont pour fer rityel pardon dan sa landrwa ki sen. I ava ganny brile.

Levitik 9:9

Son bann garson ti prezant li disan. I ti tranp son ledwa dan sa disan e pas li lo bann korn lotel; i ti vers leres disan ater otour lotel.

Nonm 19:7

Pret ava lav son lenz e pran en ben dan delo; apre, i ava antre dan kan. Me i pou reste enpir ziska aswar.

Ezekyel 43:21

Ou ava osi pran sa toro pour pardon pese e bril li dan landrwa rezerve pour sa, an deor sanktyer.

Levitik 6:11

Apre, i ava tir son bann lenz, met en lot lenz lo li e anmenn sa lasann dan en landrwa pir an deor kan.