Ebre 12:7 - Labib An Kreol Seselwa

⁷ Siport ou soufrans koman en koreksyon. Bondye pe tret zot koman son bann garson. Lekel sa garson ki son papa pa korize?

Ebre 12:7 交叉參考

Proverb 19:18

Koriz ou zanfan tan ki i annan lespwar; me pa ale ziska swet son lanmor.

Deterononm 8:5

Rekonnet alor dan ou leker, ki, parey en paran i disiplin son zanfan, SENYER, ou Bondye i disiplin ou.

Proverb 29:15

Roten ek reprimann i donn lasazes. Me en garson ki kapab fer tou sa ki i oule, i fer laont son manman.

Proverb 13:24

En papa ki refize koriz son garson pa kontan li. Me paran ki kontan son zanfan, pa ezite koriz li.

Proverb 29:17

Koriz ou zanfan e ou ava anpe; i ava donn ou bokou lazwa.

2 Samyel 7:14

Mon pou vin son papa, i ava vin mon garson. Si i fer fot, mon pou koriz li avek en baton ki zonm i servi, avek kou ki zonm i donnen.

Proverb 22:15

Zanfan i kontan sa ki paret bet. Me roten ki pour fer li sanze.

1 Rwa 1:6

Adoniya ti en zoli garson; i ti ne apre Absalon. Pandan tou son lavi, son papa pa'n zanmen repros li pour demande: Akoz ou fer sa?

1 Samyel 3:13

Mon'n deza averti li ki mon pou pini son fanmir pour touzour, pour bann krim ki i konnen. Son bann garson in ensilte Bondye; li i ti konnen, me i'n soutir zot.

1 Samyel 2:34

Sa ki pou arive avek ou de garson, Hofni ek Fineas ava servi koman en siny. Tou le de pou mor menm zour.

1 Samyel 2:29

Alor, akoz zot mank respe pour mon bann sakrifis ek lofrann ki mon'n komande pour ofer dan mon tanp? Akoz ou fer loner ou bann garson plis ki mwan e zot angres zot lo bann meyer morso tou sakrifis ki mon pep Izrael i ofer?

Akt de Zapot 14:22

Zot ti fortifye leker bann krwayan e ankouraz zot pour reste solid dan lafwa. Zot ti dir ki zot bezwen pas par bokou soufrans pour antre dan Rwayonm Bondye.

1 Korentyen 11:32

Me Senyer i koriz nou, i ziz nou pour ki nou pa ganny kondannen ansanm avek lemonn.