Ebre 12:5 - Labib An Kreol Seselwa

⁵ Pa oubliy sa bann parol lankourazman ki Bondye i adres zot koman son bann garson: Mon garson! Pa per koreksyon Senyer. Pa dekouraze kan i repros ou.

Ebre 12:5 交叉參考

Revelasyon 3:19

Mon koriz e mon pini tou sa bann ki mon kontan. Montre bokou devouman, e sanz ou konportman.

1 Korentyen 11:32

Me Senyer i koriz nou, i ziz nou pour ki nou pa ganny kondannen ansanm avek lemonn.

Psonm 94:12

I byennere sa enn ki ou korize SENYER e ki ou ansenny ou lalwa.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

Psonm 119:109

Mon lavi i touzour an danze; me mon pa oubliy ou lalwa.

Zeremi 31:18

Mon'n antann konplent pep Efraim: Ou'n koriz nou severman parey en zenn toro sovaz i ganny drese. Fer nou retourn ver ou, akoz nou'n pare pour retourn kot ou, akoz zis ou SENYER, ki nou Bondye.

Psonm 119:75

Mon konnen SENYER, ki ou bann zizman i zis e ou'n byen fer imilye mwan.

Psonm 118:18

SENYER in koriz mwan severman, me i pa'n les lanmor pran mwan.

Ebre 12:7

Siport ou soufrans koman en koreksyon. Bondye pe tret zot koman son bann garson. Lekel sa garson ki son papa pa korize?

Proverb 3:1

Mon garson! Pa oubliy mon lansennyman; gard mon bann komannman dan ou leker.

Proverb 4:5

Rod lasazes, rod disernman; pa oubliye, ni elwanny ou avek bann parol ki sorti dan mon labous.

Psonm 119:83

Mon'n vin parey en vye sak lapo; me mon pa oubliy ou bann regleman.

Psonm 119:16

Mon pran plezir dan ou bann regleman; mon pa pou oubliy ou parol.

Liv Zob 34:31

Me si en dimoun i dir avek Bondye: Mon'n siport lapenn mon pese, mon pa pou rekonmanse.

Levanzil dapre Lik 24:6

I pa isi, me i'n resisite. Rapel byen sa ki i ti dir zot letan i ti ankor Galile:

Levanzil dapre Lik 24:8

Alor, sa bann fanm ti rapel bann parol Zezi.

Psonm 119:67

Avan, mon ti'n egare, mon pa ti konnen ki mon ti pe fer. Me aprezan, mon pe gard ou komannman.

Lamantasyon 3:39

Akoz en zonm i bezwen plennyen pour son bann pese ki i'n fer?

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

1 Timote 1:20

Parmi zot, i annan Imene ek Aleksann ki mon'n livre avek pwisans Satan, pour montre zot, ki zot devre aret ensilte Bondye.

Ebre 13:22

Mon bann frer! Mon demann zot pour siport avek pasyans sa bann parol lankourazman. Annefe, mon let pa long.