Biblia Todo Logo
線上聖經

- 廣告 -




Ebre 12:2 - Labib An Kreol Seselwa

2 Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

參見章節 複製




Ebre 12:2
78 交叉參考  

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.


Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.


Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.


Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.


Mon sir ki Bondye ki'n konmans sa bon travay parmi zot, ava kontinyen fer li ziska ki i ganny konplete, zour ki Zezi-Kri ava retournen.


De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.


Sa ki mon Papa i oule, se ki sa enn ki war son Garson e ki krwar li, ava ganny lavi eternel; e mwan, mon pou resisit li dan dernyen zour.”


ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.


Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.


Pa i ti neseser ki Mesi i soufer tousala, avan ki i antre dan son laglwar?”


I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.


Zot tou ki reste dan bout later, retourn kot mwan e zot ava ganny sove. Akoz mwan menm ki Bondye e napa okenn lot.


Reste dan lanmour Bondye, an atandan ki nou Senyer Zezi-Kri, dan son labonte, i donn zot lavi eternel.


Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.


Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.


Me nou, nou bann sitwayen lesyel, ki pe esper avek enpasyans nou Sover, Senyer Zezi-Kri ki pou retournen sorti dan lesyel.


I ti priye, “Aba, Papa! Tou keksoz i posib pour ou. Retir sa lakoup devan mwan. Sepandan, pa dapre mon lavolonte, me dapre ou lavolonte.”


Mon pou esper SENYER, i'n detourn li avek desandan Zakob. Mon pou met mon lespwar dan li.


Ekri Lanz Legliz dan Smirn: La sa ki Premye e Dernyen, sa enn ki ti'n mor e ki'n retourn vivan i deklare:


Alor, annou sorti an deor kan e al kot li pour siport menm imilyasyon avek li.


Ler i ti'n ganny laperfeksyon, i'n vin sours delivrans eternel pour tou bann ki obei li.


Zezi ti konnen ki i ti'n sorti kot Bondye e ki i ti pe retourn kot Bondye. I ti osi konnen ki son Papa ti'n donn li tou pouvwar.


Bann zapot ti dir avek Zezi, “Ogmant nou lafwa!”


Deswit papa sa garson ti kriye, “Mon krwar; me ed mwan pour ganny plis lafwa.”


Mazin en pe ki mannyer i'n siport otan lopozisyon delapar bann peser. Pa les ou ganny dekouraze, ni dezespere.


Par son lanmor lo lakrwa, Kris i'n reini sa de pep pour form en sel lekor e in rekonsilye zot avek Bondye. Par lakrwa, in detri laenn.


Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.


E mwan, kan mon pou ganny eleve par lao later, mon pou atir tou dimoun ver mwan.”


SENYER pou fer tou pour mwan. SENYER! Ou fidelite i dire pour touzour. Pa abandonn sa enn ki ou lanmen in fer.


Zot in fer en gro zefor pour dekouver dan ki lepok e dan ki sirkonstans, bann lendikasyon ki Lespri Kris in donnen, ti koresponn. Annefe, sa Lespri ki ti dan zot, ti anons davans, soufrans ki Kris ti devre pas ladan ek laglwar ki devre swiv.


Ensi, par en sel lofrann, in rann parfe pour touzour, tou dimoun ki'n ganny pirifye.


Mon dir zot, sa i laverite: En gren dible i reste en gren dible si i pa ganny zet dan later e mor. Si i mor, alor i prodwi en kantite lagrenn.


Zot papa Abrahanm ti war mon zour e i ti rezoui. I ti war, e sa ti fer li ere.”


Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.


Herod ek son bann solda ti monk Zezi e ensilte li. Apre, zot ti abiy li dan en lenz klate, e fer li retourn kot Pilat.


Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”


Apartir sa moman, Zezi ti konmans koz avek son bann disip ouvertman, “Mon bezwen al Zerizalenm. Bann ansyen, bann gran-pret ek bann profeser Lalwa pou fer mwan bokou soufer. Mon pou ganny met anmor, me trwazyenm zour mon pou resisite.”


Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.


Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!


Kan mon ti war li, mon ti tonm dan son lipye koman en dimoun mor. I ti poz son lanmen drwat lo mwan. I ti dir: Pa per! Mwan menm Alfa e Omega; Premye e Dernyen;


ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.


Annefe, Lalwa Moiz pa ti kapab rann nanryen parfe. Aprezan, nou'n ganny en lesperans meyer ki permet nou apros kot Bondye.


Ankor en fwa, avek lekel lanz, Bondye in deza dir: Asiz la lo mon kote drwat, ziska ki mon abes ou bann lennmi, e fer zot vin ou marspye?


Pep Izrael antye i devre alor konnen avek sertitid ki sa Zezi ki zot in klout lo lakrwa, li menm ki Bondye in fer Senyer e Mesi.”


Zezi ti reponn zot, “I vre: Eli i bezwen vini avan, pour remet tou annord. Me akoz Lekritir i osi dir ki Fis-de-Lonm i bezwen soufer en kantite e ganny meprize?


SENYER ti dir avek mon senyer lerwa: Asiz lo mon kote drwat, ziska ki mon met ou bann lennmi anba ou lipye.


La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.


Lezot ankor, ti siport bann mokri, ganny fwete. Serten ti ganny ansennen e met dan prizon.


Parfwa, zot ti ganny ensilte e maltrete piblikman. Parfwa, zot ti solider avek bann ki ti pe ganny maltrete.


Apre ki Senyer Zezi ti'n fini koz avek zot, i ti mont dan lesyel e asiz lo kote drwat Bondye.


Konmsa ki zot i'n met anmor sa enn, ki li menm sours lavi. Me Bondye in resisit li, e nou, nou la koman temwen.


Annefe, mesaz lanmor Kris lo lakrwa i en lafoli pour bann ki pe al perdi. Me pour nou ki'n ganny sove, i en pwisans Bondye.


Kanta nou, nou anons Kris ki'n ganny krisifye, en mesaz skandal pour bann Zwif, en lafoli pour bann non-Zwif.


Mon bann frer! Zot ti krwar dan nou glorye Senyer Zezi-Kri, zot pa devre fer preferans pour personn.


Alor, Moiz ti fer en serpan an bronz ki i ti met lo en poto. Dimoun ki ti'n ganny morde e ki ti get sa serpan an metal ti reste vivan.


Alor sa ki ti'n ekri, ti ganny akonpli: I ti ganny konte parmi bann kriminel.


跟著我們:

廣告


廣告