Ebre 11:9 - Labib An Kreol Seselwa

⁹ Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.

Ebre 11:9 交叉參考

Zenez 12:8

I ti kit sa landrwa pour al dan montanny ki Les avek Betel. I ti mont son latant ant Betel lo kote Was e Ayi, lo kote Les. I ti konstri en lot lotel pour SENYER e i ti envok non SENYER.

Zenez 13:18

Abranm ti deplas son bann latant e al etabli li obor bann gran pye dibwa sakre Manmre pre Hebron. La i ti konstri en lotel pour SENYER la.

Ebre 6:17

Ensi, Bondye ti oule fer sir ki sa bann ki devre benefisye son promes, zot konpran klerman ki i pa pou zanmen retourn lo son desizyon. Alor, i ti konfirm sa promes par en serman.

Zenez 18:9

Zot ti demann li, “Oli ou fanm, Sara?” I ti reponn, “I dan latant.”

Zenez 13:3

I ti kit Negev e par letap, i ti al ziska Betel, landrwa kot i ti'n deza kanpe ant Betel ek Ai.

Zenez 35:27

Zakob ti vin kot son papa, Izaak, Manmre, pre Kiryat-Arba, setadir Hebron, kot Abrahanm ek Izaak ti'n reste.

Zenez 28:4

I ava akord ou ek ou desandans benediksyon ki i ti donn Abrahanm, pour ou pran posesyon pei kot ou reste, ki Bondye ti donn Abrahanm!”

Zenez 25:27

Sa de garson ti grandi, Ezai ti vin en bon saser, en zonm ki ti pas letan dan lakanpanny, tandis ki Zakob ti en zonm trankil ki ti reste dan latant.

Zenez 23:4

I ti dir zot, “Mon pe viv isi parmi zot koman en etranze. Vann mwan en propriyete koman en landrwa pour anter mon fanm.”

Zenez 18:6

Abrahanm ti degaze pour al dir Sara dan latant, “Prepar vit detrwa gato avek trwa mezir lafarin meyer kalite.”

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zenez 36:7

Annefe, zot ti annan tro bokou byen pour zot reste ansanm. Sa rezyon kot zot ti pe reste, pa ti kapab nouri zot troupo.

Zenez 47:9

Zakob ti reponn, “I annan 130 an depi ki mon lo later. Mon bann lannen in kourt e difisil; pa otan ki pour mon bann zanset pandan zot bann long lavi nomad.”

Psonm 105:12

Kan zot pa ti nonbre, zot ti en pti ponnyen pe viv koman etranze dan pei.

Zeremi 35:7

Zot pa pou fer okenn lakaz, ni senmen, ni plant rezen, ni vin propriyeter en plantasyon rezen. Tou zot lavi, zot ava reste anba latant. Konmsa, zot ava kapab viv lontan dan sa pei kot zot pe reste parey bann etranze.

Zenez 21:34

Abrahanm ti reste en bon pe letan koman en etranze dan pei bann Filisten.

Zenez 31:25

Laban ti zwenn Zakob ki ti'n enstal son latant dan montanny. Laban li, avek tou son lantouraz ti al kanp Galaad.